الرئيسية / المقالات /
8206 مشاهدة25 سبتمبر 2017

قبل السفر | الفرق بين تركيا وبين الامارات او قطر ف نقطه واحده بس - STJEGYPT

قبل السفر | الفرق بين تركيا وبين الامارات او قطر ف نقطه واحده بس - STJEGYPT


قطر و الامارات راتبك هيكون ف حدود 3000 ل5000 درهم/ريال
بس مش هتقدر تستقر هناك كأسره ممكن بس بشكل فردي تعيش و تحول علي مصر 1000 ولا 2000 بما يساوي من 5000 ل 10000 جنيه شهريا.....
بس في مقابل دا سكن غير ادمي و 6 او 8 ف غرفه و تعامل مع هنود و بنجال و ناس عجيبه
لكن تركيا هتروح هناك تاخد ف حدود من 1500 ل 2000 ليره و ممكن لو ظبط نفسك ف اي شغل تاني ترفع 500 ليره زياده
رغم ان الراتب ف تركيا اقل الا انك هتلاقي انك ممكن تستقر باسرتك حتي لو يادوب راتبك هيكفي مصاريفك و مش هتحوش
و دا لان ف دبي مثلا عمرك ما هتقدر تأجر شقه ولا تدخل ولادك مدارس ولا تشتري لبس كويس الا لو دخلك لا يقل عن 15000 ل 20000 درهم ف الشهر
لكن تركيا ممكن تأجر شقه ب 800 ولا 900 و تعيش ب 500 و المدارس الحكومي مجاني و الاسعار معقوله عن الخليج كتير لان معظم الاغذيه بتتصنع ف تركيا عكس الخليج 99% الاغذيه مستورده و الملابس ف تركيا جودتها كويسه و اسعارها معقوله لانها بلد منتج للملابس
يعني من الاخر اللي بيدور علي انه يشتغل كام سنه برا و يحوش قرشين و يرجع مصر يعمل مشروع يروح الخليج
و اللي عاوز يستقر و يعيش حياه ادميه حتي لو مش هيحوش او هيحوش قليل يروح تركيا
يعني نقطة الاختلاف الوحيده .. عاوز تحوش و ترجع ولا عاوز تستقر و تفضل برا
و ف الاول و الاخر كل واحد بياخد نصيبه

Share

Suggestions

Back to Top