حاجات مهمة لازم تعرفها :)
1-هتعمل حاجة يبقى فية حاجة فى حياتك هتتغير ، مش هتعمل حاجة هتفضل بطة بلدى زى ما انت حتى لو عندك 60 سنة . :(
2-لما تفتح الفيس بوك حدد اية هدفك بلظبط منوا ، متضيع عمرك ووقتك على حاجات مش هتفيدك " عمرك هيضيع"
3- مفيش حاجة اسمها منحة اللغة الانجليزية ومنحة كامبردج وفى نفس الوقت مفيش حاجة اسمها شهادة معتمدة فى الانجليزى الا التوفل والايلتس ودول مجرد امتحان عشان الشهادة يعنى الغاية هيا الشهادة انما فى الشغل " شهادتك هيا كلامك" " متخليش حد ينصب عليك "
4-هتلاقى الناس اللى حواليك بتقولك " انا نفسى اتغير" " انا بجد زهقت من حياتى" "انا بجد نفسى ابقى ناجح" الغريبة بقى ان هما مش بيعملوا اى حاجة عشان يتغيروا وبيفضلو مستمرين فى حياة البؤس اللى هما فيها " ودى حاجة انا مش قادر افهمها"
5-مفيش بنى ادم طبيعى وعندو سلام داخلى ومتصالح مع نفسة هينتقدك نقد هدام "متهدوش اهتمام"
6- عارف انت الراجل اللى فى عيلتك اللى بيقولك ياخلبوص انت خلص جامعتك وشغلك عندى
"لما تخلص جامعة ابقى قولى عمل معاك اية "
7- متتوقعش حاجة من حد
8- أوعى تعتمد على حد انو هيغير حياتك، ويجيبلك وظيفة احلامك ،متغامرش بمستقبلك " أنت املك الوحيد"
9- دايما افتكر لو عايز تنام هتنام ، لو عايز تذاكر هتذاكر، لو عايز تعمل حاجة هتعملها ، لو عايز نخلق اعذار هتخلق اعذار ، ولو عايز تحقق نتائج هتحقق نتائج " انت المتحكم"
10- للمرة المليون وفى البيزنس بلذات " أوعى توعد موعد مش هتنفذوا ، متوعدش من البداية "
11- انك تفتح شغلك الخاص دى حاجة سهلة ، انما انك تفضل مخلية شغال دة الجزء الصعب
12- حاول انك تبقى Fluent فى الانجليزى قبل ما تتخرج من الجامعة "صدقنى هيسهل عليك كتير اوى "
13- اتعلم من الدرس او الموقف اللى بيحصل فى حياتك عشان صدقنى لو متعلمتش من الدرس دة، الدرس اللى بعدة هيبقى أرخم واصعب بكتير.
14- مفيش تعريف محدد للنجاح ، هتلاقية مختلف من شخص لشخص، حاول انك تحط مفهومك الخاص وعيش حياتك من خلال المفهوم دة "سيبك من التعريف اللى المجتمع حطة "
15-اللى مش بيتقدم بيموت
16- الضعفاء هما اللى بيصدقدوا فى موضوع الحظ.
17- أوعى تزهق من حياتك طالما عندك الصحة والقوة اللى تخليك تعمل اى حاجة.
18- متنفذش أى حاجة الا لو كانت بلنسبالك منطقية ومقتنع انها فعلا منطقية.
19- لما توصل لمرحلة انك مؤمن تماما ان مفيش حد ممكن يعلمك حاجة جديدة صدقنى انت كدة فى مرحلة الانهيار.
20- لو انت شاب جامعى فأنت كل اللى تملكه حاجتين "الوقت والحماس"، ارجوك استغل الحاجات دى وخاصة وقتك ، عشان لما تتخرج هتفقد عنصر" الوقت" وهتبقى شغال . وقت الجامعة هوة الوقت اللى المفروض تعمل فية كل حاجة ومش بتعمل فية ولا حاجة " أعمل حاجة مفيدة"
