1: اقنع نفسك بأنك حابب تنجز المطلوب منك
اسهل طريقة لتحفيز نفسك هو انك تقنعها بأن المطلوب منك خفيف جدا وسهل وهتقدر تخلصه بسهوله
وكمان بدل ما تفكر في انك ازاي هتنجز المطلوب منك لانه تقيل فكر في الراحة اللي هتحس بيها بعد ما تخلص
2: خلي كل حاجه تحت سيطرتك :
امسك بزمام الامور وخليك متابع مستوى تركيزك وحاول توزعه صح على مدار اليوم قدر الاماكن .
3: خليك وسط ناس منتجه :
لو عاوز تحقق نتيجه افضل واسرع خليك وسط ناس مقدره وقتها وبتستغله صح .
خليك وسطهم لان وقت ما تحس بملل او ان طاقتك قلت هما هيساعدوك بشكل مباشر وغير مباشر ^_^ .
4: قسم المهام الكبيره لمهام اصغر :
بدل ما تشيل حمل تقيل يستنفذ طاقتك لانك لازم تخلصه ككل
قسمه لاجزاء صغيره وابدأ فيهم واحده واحده
عقلك هيتقبل فكرة التقسيم بشكل افضل وهينتج اسرع .
5: حافظ على تركيزك :
قلل المؤثرات الخارجيه اللي بتخرجك من تركيزك .
حدد وقت معين تخلص فيه المطلوب منك بعيد عن اي مؤثرات هيساعدك تحافظ على تركيزك اكتر وتنجز بشكل اسرع .
6: افتكر الدافع من انجاز شغلك :
لازم يكون عندك اجابة لسؤال لما اخلص شغلي في الوقت المطلوب هستفاد ايه ؟
ممكن الاستفاده تكون ماديه او معنويه او على شكل هديه لنفسك لانها انجزت الشغل في الوقت المطلوب .
ولكن خلي ديما قدامك سبب كافي يخليك تنجز شغلك .
7: خليك ايجابي :
ممكن تفشل في بعض الاوقات وممكن تقصر في المطلوب منك ده مقبول تماما
لكن الغير مقبول انك تعاقب نفسك او تتجاهل تعبك خلال الفتره اللي فشلت فيها وتنسى انك تعمل مراجعه سريعه للموقف ولنقاط القوه ونقاط الضعف .
وافتكر ان الناجح هو اللي بيحاول اكتر حتى لو فشل
