التطوع أو العمل على موقع كورسيراكورسيرا ما مجتمع بيعتمد على انك تقرا محاضرات و تمتحن بس في حاجه اسمها ال discussion forum ده فيه بتتواصل مع الطلاب و الاساتذه اللي هم نوعين
Instructor و ده بكون من مؤسسين الكورس و بكون تبع الجامعه العامله الكورس ده اذا ما كان من البشرحو المحاضرات
Mentor و ده بكون زي استاذ مساعد بيجاوب على اسئلة الطلبه و بيفتح بوستات للنقاش حول مواضيع تخص الكورس و بشجع الطلبه انهم يتواصلو سوا و يجاوبو على بعضهم
يلا المنتور ده بيتم اختياره وفقا ل 3 حاجات الدرجه الجابها في الكورس و حوجتهم لمنتور في الكورس و تفاعله في ال discussion forum القلناه قبيل ده .
Mentoring is only volunteer
يعني ما حتاخد مرتب لكن حتستفيد في الCV انك منتور لكورسيرا في كورس كذا جامعة كذا
و حتستفيد انك قبل ما تنزل منتور بتاخد كورس تدريبي مدته 3 اسابيع منهم اسبوعين بتمتحن و تنزل منتور في الكورس التم اختيارك فيه و اسبوع ده للشرف و ده بينصحوك تاخده في حالتين يا اما انت اصلا استاذ او منتور في مكان تاني يا اما تكمل 3 شهور منتور في كورسيرا .
بتاخد شهاده باكمال الكورس طبعا و يتفتح ليك خيارات ما كانت متوفره ليك كطالب في الكورس . المنتور في كورسيرا بيمثل كورسيرا و الجامعه القائمه على الكورس فعلشان كده بطليو منك الاحترافيه في كل تصرفاتك حتى صورة البروفايل البتختها .
خت في بالك انك لو عاوز تبقى منتور في كورس يخص اللغه الانجليزيه مفروض تحرص ان لغتك تكون ممتازه و الاسايمنتس البتقدمها مكتوبه بطريقه جيده .
خيارات تانيه بتقدمها كورسيرا
Translator و ده بيترجم الكورسات للغات تانيه حسب اللغه بتنضم للمجموعه ، الترجمه عبر ال
smartling يعد تصل 15 الف كلمه بتاخد شهاده من كورسيرا بالترجمه و لما تكمل 25 الف كلمه مسموح ليك بكورس مجاني
و هكذا لكل 25 الف كلمه كورس لغاية ما تصل 125 الف بتفتح ليك جميع الكورسات مجانا . لو في منكم عندهم زمن للترجمه دي يا ريت يشاركو لانه ترجمة اللغه العربيه بسيطه جدا في الكورسات .
.
Testor
و ده برضو بتم اختياره من قبل كورسيرا لانو يختبر الكورس قبل ما ينزل و ده بتيح ليك انك تكون من اوائل المطلعين على الكورس.
اتمنى اكون افدتكم .
http://www.coursera.community في نقطه كمان اغلب الناس ممكن ما يعرفوها كورسيرا بتقدم ماجستير اونلاين تابع لجامعة الينوي من ضمنهم ال MBA . اكتبو عللى سيرش قوقل COURSERA DEGREE COURSES .
نقلا عن
Didi Talab
