الرئيسية / المقالات /
9446 مشاهدة20 مارس 2018

كتابة جواب التوصية Reference Letter كترشيح لـ منحة / مسابقة / شغل ؟ - STJEGYPT

كتابة جواب التوصية Reference Letter كترشيح لـ منحة / مسابقة / شغل ؟ - STJEGYPT


إزاي تكتب جواب توصية كترشيح حد لأي منحة/مسابقة/شغل/ ؟
------------------------------
- جواب التوصية Reference Letter : هو خطاب يكتبه صاحب عمل/دكتور جامعة/قائد فريق/ رئيس منظمة بناء علي طلب الشخص بهدف ترشيحه للفرصه اللي بيقدم عليها.
- مفيش قواعد ثابتة لكتابة جواب التوصية، بل كلها اجتهادات من الشخص اللي بيعمل التوصية.
- لو اللي بيعمل الجواب هو أستاذ جامعي أو رئيس مجلس الأمناء في مؤسسة كبيرة ففي الأغلب بتبقي فيه صيغ عندهم، فبيملاها ويختمها.
- طيب ازاي نعمل جواب توصية قوي؟
----------------------------------------
1- اللوجو: بنحط لوجو الجامعة فوق علي الشمال ولوجو الكلية علي اليمين دا في حالة لو الجواب هيمضية دكتور جامعه. لو مديرك في الشغل او أي حد اشتغلت معاه فبتحط لوجو الشركة فوق علي الشمال. اللوجو مش شيء أساسي بس يفضل.
2- بنوجة الخطاب للجهة اللي أنا بقدم فيها سواء جامعة معينه أو إدارة شركة ما أو منحة أو أيا كان بذكر اسم الجهة أو ممكن نعمله عام بحيث نقدر نستفيد بيه في أي فرصه ك :To whom it may concern:
Dear Scholarship Committee: To Admission Team:
3- بنكتب جملة استفتاحية بتقول اني بكتب الخطاب دا بناءا علي رفة الشخص الفلاني اللي مقدم علي كذا
I am writing this reference at the request of Mr ....... .......who is applying for a Master degree/Scholarship/Opportunity.
4-هنبدأ نعرف بشخصية كاتب الخطاب ومعرفتي بي.
It is my greatest pleasure to recommend........ ............ for ................ I have known .................. for the past ... years in my capacity as Assistant Professor/his leader/ his manager at faculty of ...../company, that he has been a student/employee/member/participant in our Department/company.
4-هنبدأ بقي نشكر في الشخص اللي بنعملة الخطاب، انه كان اكتيف وبيخلص تاسكاته او طالب متميز.
YOUR NAME always showed a great activation in completing all required tasks and also achieved a wide network of co-workers and professors who all agreed that Sameh made a great example of a good student/employee, young leader and a respected one as well.
5- هنقول ان الشخص دا كان متطوع معاي فين مثلا او شغال في شؤكة اي او طالب في قسمي وانه خلال فتره شغلة معاي كان مجتهد ومتميز محبوب من الجميع و كان مثالا يحتذي به(بيحبوا الجملة دي جدا) وانه هيقدر يكمل دراسته/ منحته/مسابقته بنجاح.
He has always excelled in his academics/work and stands among the top 5% in his class/team. He has won many prizes in both academic and voluntary activities. I believe that Sameh have the Ability to complete a demanding academic programme in the UK and achieve a great success in his course.
6- اخر جملة هنقول اني برشح فلان الفلاني للفرصة دي وبدعمه جدا كطالب او كقائد /متسبق فيها لانه اهلا لها .. ولو فيه أي استفسارات بخصوص الجواب دا .. رجاء تواصلوا معي.
I hold NAME in the highest esteem and recommend him for ............... His combination of academic achievement, leadership skills, powerful charisma and thoughtfulness, make him an ideal candidate for your honored program. Once you meet YOUR NAME personally, you will see the reason I am very enthusiastic about him, both as a student and a young leader. If you have any questions regarding this recommendation, please do not hesitate to contact me.
7- بعدين هنحط اي كلمة بتقول وداعا بس بشكل فورمال زي Sincerely,
8- هتكتب اسم الشخص ثلاثي
9- تحتيها وظيفته ايه
10- هنسيب مكان فاضي للتوقيع
11-اسم الشركة/ المؤسسة/ الكلية والجامعه
12- الميل الخاص بالشخص اللي عمل التوصية.
----------------------------------------------------
شوية ملاحظات:
- متحاولش تزور امضه اي حد لانهم بيتواصلوا مع الشخص الواصي علي الميل.
- بلاش كتر كلام ، ركز
- فيه بعض الجهات لما بتطلب خطاب توصية بتقول لازم تحط فيه ايه فركز وانت بتقرأ المطلوب.
- بعد لما تمضي الخطاب دا اسحبه اسكنر بصيغة PDF وابعته بالصيغه دي ومتعملهوش صورة.
- ذوقيا استاذن الشخص اللي عمل التوصية انه ممكن تستخدم الخطاب دا لاكتر من فرصة.

كتبه | سامح محمد

Share

Suggestions

Back to Top