AD1
الرئيسية / المقالات /
15520 مشاهدة26 مارس 2018

عندك حلم عاوز تحققه ,, قصه هتخليك ماتصحاش غير وانت محققه. - STJEGYPT

عندك حلم عاوز تحققه ,, قصه هتخليك ماتصحاش غير وانت محققه. - STJEGYPT

لكل طالب بيمتحن او حد بيتمني يتجوز شخص معين .. او بيتمني اي شيء ف حياته يتحقق ..

هقولك قصه لطيفه كدا تاخد منها فايده علي آخر الليل وان شاء الله تساعدك .. وثوابها عظيم ليك ولكل اللي يعرفها عن طريقك باذن الله  
كان في عالم من علماء المسلمين اسمه الامام احمد بن حنبل .. راجل مشهور جدًا سيطه مسمع في جميع بلاد المُسلمين .. بيحضر لُه في القعده اكتر من ١٠ آلاف واحد ..

تُبص في وشه ترتاح نفسيًا علي الاقل شهر .. الامام احمد اشتاق انه يزور المدينه المنوره ويصلي في مسجد رسول الله صلي الله عليه وسلم .. سافر لوحده .. وصل المدينه ..

دخل المسجد النبوي بعد مشوار بن لذينا مُتعب .. صلي في المسجد العشاء وقعد جنب قبر النبي وسند دماغه .. ف من عادة عُمال النظافه في المسجد النبوي انهم بيمشوا الناس بعد العشاء علشان ينضفوا المسجد ..

فقربوا من الامام احمد وصحوه من النوم وقالوله قوم يا اخينا امشي .. هما عارفين اسم الامام احمد وشهرته لكن ميعرفوش شكلا ً .. فقالهم  انا رجل غريب ليس لي احد في مدينة رسول الله .. ف إسمحوا لي ان انتظر حتي اصلي الفجر ثم امشي من هنا  رفضوا طبعًا .. ومن هنا لهنا .. قاموا مجرجرين الامام احمد من رجله وطردوه بره المسجد !! ياخبر ابيض .. دا لو عرفوا انه هو كانوا هيبوسوا رجله !! المهم .. شافه راجل علي قد حاله شغال خباز .. صعب عليه .. فقاله تعالي اقعد عندي لحد الفجر ثم بعد كدا توكل علي الله امشي .. وافق الامام احمد وراح معاه بيته .. فلاحظ حاجه غريبه قوي علي الراجل الخباز .. طول الليل عمال يعجن الرغيف ويحطه في الفرن ويقول استغفر الله وبعد لما يطلع الرغيف من الفرن يقول  استغفر الله  طول الليل علي الحاله دي يحط الرغيف يقول استغفر الله .. يطلعه يقول استغفر الله .. الامام احمد قال ايه حكاية الراجل دا ؟! معقول ميعرفش غير كلمة  استغفر الله  !! فسأله وقاله : ايه أثر الاستغفار عليك ؟! انت عمال تقول استغفر الله كل شويه .. حصلك خير ايه من ورا الذكر دا ؟! رد الراجل الخباز وقاله  عمري ما تمنيت اي امنيه غير لما ربنا يحققهالي .. الا امنيه واحده بس ! ان

ي اشوف الامام احمد بن حنبل !! قاله يا اخي  من اجل ان يحقق الله لك امنيتك جئت اليك جرجره ! ربنا خلاهم يجرجروني من المسجد علشان يحققلك امنيتك و تشوفني  ! 
ربنا هيجرجرلك امنيتك من زمارة رقبتها لحد عندك صدقني .. متفتكرش انه ناسيك بالعكس هيجيبهالك علي اكمل وجه .. فقط قول بيقين استغفر الله ..

وتاكد تماما انك لما تحس انك قربت تيأس من الدعاء والاستغفار لان مفيش حاجه اتحققت .. ان وقتها ربنا بيكون قرب قرب يستجيب ليك ويحقق اللي بتتمناه بس الشيطان بيخدعك وعاوزك تبطل دعاء .. ربنا بيحب العبد الزنان .. زن ولح عليه زي العيل الغلس اللي بيشبط في الحاجه ..

واعرف  من لزم الاستغفار جعل الله له من كل همٍ فرجا ومن كل ضيقٍ مخرجا ورزقه من حيث لا يحتسب 
رحم الله من قرأها وبارك الله في ثواب من نقلها وعلمها لغيره .
احمد ايمن

 Mahmoud M Osman

تحقيق الحلم


Share

Suggestions

AD1

Back to Top