اخر سنه جامعه دي عباره كدة عن خليط من المشاعر ال مش مفهمومه ,,,,
و بتنزل يوميا وبتحتك بيشر اكتر من شعر راسك في السنه دي بتقرب وتكتشف ناس كانوا طول الوقت حواليك وانت مش واخد بالك منهم بتكتشف انهم طيبين و حلوين اوي وبتندم انه ازاي معرفتهمش قبل كده.
بيبان معادن كل واحد وبتبقي كونت فكرة مش قليله عن طباع اصحابك.
احسان التوهان والحياه الاصعب الي هتبقي داخل عليها وان الجد بدأ والمفروض تبقي مسؤول عن نفسك والعلم الي اتعلمته ده هتتحاسب عليه عملت بيه اي ...
احساس ان فعلا بدأت تدرك أن خلاص بدايه الجد وشيل المسئؤليه ونهايه الايام الحلوه وتودع اجمل سنين عمرك واحساس انك بدات تدرك انك بتكبر وعمرك بيجري ....
برضه احساس فقد الطاقه في كل حاجة فقد الطاقه انك تفهم ,انك تحفظ أو انك اصلا تعقد مركز مع معيد او دكتور .
احساس انك مش عاوز تنزل الجامعه وعاوز تنزل في نفس الوقت علشان هترجع تندم علي الوقت الي ضيعته في عزله في ما يسمي اجمل سنين حياتك ...
علي قد ما بتعد الايام والساعات والثواني علشان تعدي وتحلص علي قد ما انت مش عاوز تسيب المكان ده والصحاب واللمة الي صعب انها تتجمع تاني ..
حاول تعيشو أيام الجامعه حلو وجمعو صحاب علي قد ما تقدرو قبل ما تجمعو تقدير ودرجات .
متخلوش درجة زياده ولا مشروع ولا اي حاجه لها علاقه بالدراسه اموت علاقتكو بصحابكو او تطلعوا وحشين قدام بعض .
mahmoud m osman
