لو عندك الجديه فعلا انك تتعلم انجلش من غير كورسات وببلاش من بيتك إقرأ للاخر ومتنساش تعمل شير عشان غيرك يستفاد
شايفك يلي قاعد تقول مش لاقي شغل، عارف ليه مش لاقي شغل عشان للاسف متعلمتش انجليزي,
لا لا بتاع المدارس ده مكنش انجليزي
طب ياعم الحج هتعلم انجليزي ازاي وانا مش لاقي اشتري قميص اصلا
تعالي هنا ملكش حجه.
بس يا سيدي اول حاجه عشان تتعلم اللغه فيه حبة خطوات لازم تمشي عليها واحده واحده . اللغه ليها مهارات او بمعني اصح عمدان فمينفعش تبني اللغه من غير العواميد دي.
اول عمود واهم عمود وهو عمود الاستماع " listening "
تاني حاجه والي بيجي بعد السماع هو التحدث " speaking " - ده بقي عمود برده م
هم جدا والي لا غني عنه في التعلم وهو القراءه "reading"
ده بقي عمود الاشباح والي ناس كتير جدا بتهمله وهو الكتابه " writing "
باختصار مينفعش حد يقول انا عايز اتعلم اللغه واخد ILETS او TOEFL وهو مش مظبط كل عمود من الاعمده دي.
طب تعالي نعرف ازاي نبني العمود الاول وزي ماقولت ماينفعش تروح علي التاني من غير ما تنبي الاول
" عايز اتكلم انجليزي في 6 شهور وانت اصلا مش بتسمع حاجه فلو حتي روحت عند منحة ام علي للغه الانجليزيه مش هتتكلم برده
اول حاجه لازم تسمع كل يوم انجلش مش اقل من 2 علي الاقل لو زودت يبقي افضل اكيد وهتوصل اسرع.
لازم قبل ما تسمع تحدد انت بتسمع ليه " يعني مفيش حاجه اسمعها بسمع وخلاص " فيه انواع كتيره للسماع:
ممكن تسمع لغرض تحسين النطق فانت هتركز بس علي كل كلمه بتسمعها عشان تحسن النطق بتاعك ومش هتركز مع المعاني ولا اي حاجه تاني
ممكن تسمع عشان تتعلم القواعد "grammar" فانت بتركز مع الجمل والكلام الي بتسمعه وبتتدقق في تركيب الكلام عشان تحسن القواعد.
ممكن تسمع عشان تتعلم كلمات فانت بتركز مع كل كلمه غريبه بتسمعها عشان تتعلم كلمات جديده ومصطلحات.
ممكن تسمع لغرض فهم الي بتسمعه وتعرف الموضوع بيتكلم عن ايه زي مثلا سماع الاخبار او الافلام.
فكل دي اغراض ممكن تسمع عشانها فلازم قبل ما تسمع تحدد هدفك من السماع عشان متكونش مشتت وكمان عشان تطلع من الحاجه الي بتسمعها باقصى استفاده
2- اسمع ايه:
اول حاجه لازم تسمع حاجه تتناسب مع مستواك يعني متسمعش حاجه صعبه اوي ولا حاجه سهله اوي عشان تستفاد ومتضيعش وقت.
من افضل المواقع الي هتساعدك علي كده موقع اسمه " ESl- lap"
http://www.esl-lab.comالموقع ده رائع جدا وهتلاقي فيها 3 مستويات ادخل عليه وشوف الدنيا عامله فيه ازاي.
موقع تاني برده اسمع " Voscreen " الموقع ده بيجيب لقطات من افلام بيخليك تسمع وتخمن الي انت سمعته وبرده فيه كل المستويات فهيساعدك انك تتطور مهارة السماع بسرعه.
https://www.voscreen.com فيه برده كورس رائع جدا اسمه Whaddaya Say وده بيجيبلك محادثة وبيقولها مره بسرعه عشان يوريك ازاي الاجانب بياكلوا الكلام وبعد كده بيعيد المحادثه تاني بس بطريقه بطيئه جدا عشان تقدر تفهم المحادثه وتسمع نطق كل كلمة كويس جدا
من هنا
• احيانا بعض الاغاني الاجنبيه البطيئه مش السريعه الي مش بيتفهم منها حاجه ممكن تتعلم منها بعض الكلمات والمصطلحات الدارجه في اللغه الي الاجانب بيستخدموها في الشارع ما بين بعضهم. فلو حابب تتعلم منها فيه برنامج جميل جدا اسمه music match وده ميزته انه بيجيبلك الكلمات الي في الاغنيه فتقدر تتعلم منها وتعرف الي انت بتسمعه بكل وضوح.
من هنا
• الافلام الاجنبيه برده عليها عامل كويس جدا ولكن لو استغلتها صح ومن افضل الافلام الافلام الانيميشن الي زي الكرتون، رائعه بمعني الكلمه وهتفيدك جدا. لكن سيبك من حوار الترجمه العربي وانك تقعد طول الفيلم مركز بس في قراءه الترجمه العربي.
انت هتجيب الفيلم عندك علي الجهاز وبعد كده هتدخل علي موقع اسمه subscene، هتكتب في البحث اسم الفيلم وبعد كده هتنزل ال English subtitle, طبعا لازم تكون مصطب برنامج VLC عشان تقدر تعمل الي هقولك عليه. بعد ما تنزل ال English subtitle هتشغل الفيلم وبعد كده بالماوس تاخد الملف الي انت نزلته وترميه في الفيلم وهو شغال وهتلاقي الكلام الي بيقولوه ظهر عندك عالشالشه علطول
.
https://subscene.com/browse/latest/film/1لو معندش برنامج
VLC ممكن تحمله من هنا :
https://www.videolan.org/vlc/download-windows.ar.htmlخليني اقولك انه مفيش اكتر من اللينكات والمواقع عشان تتعلم انجلش،الفكره كلها في العزيمه والارداه وانك فعلا عايز تغير من نفسك فهتبدا ولازم تبدا صح عشان تتعلم صح
. دي اول خطوه لتعلم اللغه فابدا باول خطوه ومتشتتش نفسك بكثرة اللينكات والماتريلز.
كتبه |
أنس مصطفي
