20 نصيحه مش هتسمعهم من حد
1-انت بيتقال عليك حديث تخرج بس لحد سن 27 يعني ان ملحقتش تكون خبره فى مجال معين متندمشي لما العمر يعدي منك
2- بعد التخرج هتتعرض لصدمات من اهلك واصحابك ، الانانيه بتجري فى دم البشر ، ومحدش بيحب يشوف حد احسن منه ، واهلك اللى حاطط املك عليهم مش هيجرو ع حلمك بدالك
3-لو انت قاعد ف بيتكم ومش لاقي شغل ومقضيها ع القهوه هتندم انك مستغلتشي الوقت ده فى انك تتعلم للغه
4- اول ما هتخلص كليه مش هيتقال عليك طالب و c.v بتاعك لو مكنشي فيه خبارات او تدريب او حتى اي شغال لو بسيط هتندم اوووي
5- الشغل مش عيب ولا حرام بس العيب انك تقعد ف بيتكم وتضيع وقتك كمان وهتكتشف ده وانت بتعمل انترفيوا لما يقولك كنت بتشتغل ايه ؟ ايه خباراتك السابقه ؟ تفتكر اشغلك عندي ليه ؟ ساعتها هتحط وشك ف الارض وتندم ع عمرك اللى ضاع
6-الفلوس مش كل حاجه والحياة الاكاديميه مش هتاكل عيش لو فضلت عايش دور الطالب بتاع اليسانس والماستر والدكتوراه يبقي صدقني هتضيع كتيييير اوي لحد ما توصل
7-لما تروح انترفيو فى اي شركه او مكان لازم تكون دارس الشركه كويس جدا وعارف انت رايح فين علشان لما تلاقي C.V بتاعك مرمي فى الزباله متزعلشي
8-الشغل مفيش فيه الانا ولا الفهلوه ولا طيبه القلب ولا الظروف ، لما تدور ع شغل وتعمل انترفيو ركز ف كلامك بلاش تفكر انك بتكلم ابوك او صديقك القريب منك علشان تبوح باللى ف قلبك ويتاخد عليك ساقطات كلام
9-الشركات بتصفي شغلها وبتمشي العمال فالظروف اللى بتمر بيها البلد مش محتاج واحد عادي او واحد ناقل C.V من ع النت
10-الانشطه التطوعيه بتفيدك والعلاقات اللى هتطلع منها هتفيدك ، حاول متعشي لوحدك
11-لازم تعرف انت عايز ايه بالظبط من الشغل بلاش تعقد ف كل شغل سنه او كام شهر لازم يبقي عندك خبره ف مجال معين وتكون قويه
12-اللى بتعمله فى الخمس سنين دول هيرجعولك ف الخمس سنين اللى جاين لو مفكر انك اتخرجت يبقي ترتاح بقي وتضيع كام سنه فتاكد انك بتتاخر اوووي وبتضيع عمرك
13-بلاش تمشي فى اي مجال لمجرد انك دراسته ركز ف شغفك
14-لو معملتشي خطه لخمس سنين هيجي واحد ياخدك تحققله خطته
15- لازم بعد التخرج تتعلم ازاي تبقي محترف انترفيو محترف فى قراة لغه الجسد محترف فى كتابه مهاراتك محترف فى تسويق نفسك
16- الفيس بوك هو اسوا من الواقع وبيعرض حياة كائيبه لو عايز تعرف قد ايه انت ولا حاجه اعمل اكونت ع لينكدان وشوف الناس اللى ف مجالك وصلة لايه
17- اهلك اكتر ناس مش هتفهم انت عايز ايه فبلاش تناحي كتير وحول الكلام لافعال تفرحهم بيك
18-لو بتفكر تتجوز بلاش تتجوز واحده مش طموحه ومعندهاش شغف او حب للتغير ولو هتقدر تصنعه فيها اتجوزها انما لو مش هتقدر فاتاكد ان حياتكم هتبقي ممله
19-تعمير الكون مش انك تتجوز وتخلف قد ما هو بانك تسيب اثرك فى الكون باعمالك الخيريه ومشاريعك ومساعدتك للناس وتعليمك لحد وتفريج كرب عن حد وحل ازمه قريه او بلد او مجموعه
20-حياتك لو معتدمتش فيها على ربنا وتوكلت عليه حسن التوكل هتبقي كئيبه فعيش بحسن الظن بالله وبيقين انه هيسدد خطاك وهينصرك
