تعبت من كتر ما بتبعت ال سيرة الذاتية و ولا حس و لا خبر
بتحس ساعتها انك مش فاهم الغلط فين مش كدة ؟
هنا فى المقال دة هقولك
اكتر اخطاء متكررة فى السيرة الذاتية ... لازم تتجنبها الغلطات دى كانت اكتر غلطات تم ملاحظتها على مدار السنين اللى فاتت
_ عدم وضع career summary من الافضل تحط من 3 ل 4 جمل بتعرف فيها نفسك و بتقدم على وظيفة اية لان وارد جدا بيجيلة سير ذاتية باعداد كبيرة و فى كذا وظيفة متاحة
لازم تعرف ملخص عنك و عن خبراتك و قدراتك فى ال3 ل 4 جمل
_الاهتمام الزايد بتنظيم السيرة الذاتية فية بعض الناس بيهتموا انهم يضعوا خطوط كبيرة او مائلة او غير مناسبة الافضل new times roman و الخط 12
و لو هتتكلم عن قسم معين هتقول المهارات هتعمل كلمة المهارات 16 و ممكن تبقى خط bold
كلما كانت سهلة فى تنظيمها و قرايتها هتسهل على الشخص اللى بيقوم بقرايتها
_ اسم الملف فية بعض الناس بتسمى الملف السيرة الذاتية لوظيفة محاسب على سبيل المثال
لكن الافضل
ان تحط اسمك انت ك اسم للملف و لازم يبقى اسم الملف واضح و سهل و بسيط
_ وضع تفاصيل غير صحيحة البعض بيحط ارقام تليفونات مبقاش بيستخدمها او ايميل مبيفتحوش و هنا من الصعب انة يوصلك عشان يحدد معاد انترفيو
_ ملئ السير الذاتية بكلمات لا تدل على شئ ليس من الافضل وضع كلمات زى قوى جدا فى مهارات العرض و التقديم
الافضل ان السيرة الذاتية يبقى فيها امثلة على كدة سواء كان من ضمن مهام شغلك السابق او فى نشاط طلابى او مكان تطوعى
لان الكلمات دى هى مشتركة فى كل السير الذاتية و ليس من الواقعى ان كلة كويس جدا فى مهارات العرض و التقديم
_ سيرة ذاتية واحدة لكل الوظائف اكبر غلطة بيقع فيها ان سيرة واحدة بتقدم فيها كمحاسب و مدرس و شخص يشتغل فى بنك
الصحيح ان كل شغل و بيتطلب مهارات و قدرات معينة و من الصعب ان شغلانتين محتاجين نفس المهارات و الخبرة
من الافضل ان كل وظيفة ليها سيرة ذاتية مختلفة
_ عمل سيرة ذاتية طويلة من الافضل ان تكون السيرة الذاتية من صفحة الى صفحتين و لا يوجد فيها اى كلام زايد او ملوش لازمة
او مهارات او خبرات غير مرتبطة بالوظيفة
_ الكذب عند كتابة السير الذاتية يقوم بعض الاشخاص بذكر مهارة لا توجد بة و لكنها مطلوبة فى الوظيفة لانة لو تم اكتشاف الامر فستصبح من المستحيل حصولك على الوظيفة
- اخطاء املائية من غير المستحب ان تكتب و تكون كتابتك مليئة بالاخطاء الاملائية الكثيرة
الامر دة بيدي انطباع سئ عنك و انك شخص مبيراجعش اى شئ قام بية بيكتفى انة ينهية و بس
_ ارسال السيرة الذاتية عن طريق عنوان ايميل غير مناسب يعنى لا يجب ان يكون soso or koko
لان معنى الاسامى دى ان الشخص اللى باعتهم شخص غير مهنى
لو عندك اى اسئلة ممكن تسال
Mayar Mohamed
