سؤال على Quora بيقول:
إيه أكبر درس تعلمته في عالم المؤسسات؟
كانت إجابة "Emily Sanger":
الموظفة البسيطة اللي بتقدم الشاي والقهوة دي عارفة كل حاجة!
ممكن تبان إن كل اللي بتعمله هو إنها بتروح من المكتب ده للمكتب ده علشان تقدم فنجان قهوة أو تاخد كُبّاية فاضية، لكنها في الحقيقة بتسمع وتعرف كل حاجة!
بتلاقيها عارفة إن الشركة ناوية تسَرَّح موظفين، إن "Jack" هياخد علاوة، أو إن "Steve" هيتجازى ويتخصم من مرتبه.
رؤساء العمل غالبًا بيعرفوا الحقيقة دي، وبيقدروا جدًا قدرتها على الاحتفاظ بالمعلومات اللي زي كدة طَيّ الكتمان. دول أحيانًا بيبصوا لها لما يكونوا بيسألوا هيمشوا فُلان ولا فلان زي ما يكونوا بياخدوا رأيها!
كُن لطيف دايمًا مع السيدة دي لأن عندها سُلطَة كبيرة وصلاحيات كتير جدًا... أكتر مما تتصور.
_____
في الحقيقة الموضوع ده موجود عندنا في مجتمعنا برضو؛
غالبًا أكتر شخص يعرف معلومات عنك (غير أهلك) هو حارس العمارة اللي انت ساكن فيها، وأكتر حد ممكن يساعدك لو عاوز تخَلَّص شغلانة في مصلحةٍ ما -
هو أصغر موظف هناك أو مسئول البوفيه لو طلبت منه المساعدة بطريقة مناسبة، بل إنه ممكن يخلص لك شغلانتك دي في وقت قياسي بمقابل بسيط
ويرحمك من التلطيم واللف بين مدام اعتِماد اللي في التالت والأستاذ مدبولي اللي في السابع!
أصل السؤال و الاجابة على الموقع
من هناترجمته بالطريقة الجميلة دي |
محمد ياسر
