AD1
الرئيسية / المقالات /
11725 مشاهدة06 يوليو 2018

ازاى تشتغل فى شركة انترناشونال ؟ - STJEGYPT

ازاى تشتغل فى شركة انترناشونال ؟ - STJEGYPT

ازاى تشتغل فى شركة انترناشونال؟

  إزاي تقدر تحصل علي وظيفة ؟ و ازاي مرتبك بيتحدد ؟ و ازاي مرتبك بيزيد ؟ و ليه الشركات ممكن ترفضك ؟  


 لو انت طموحك أن تشتغل في أي شركة و السلام ، دي مفهاش مشكلة دور علي الوظائف الخالية في أي جورنال أو الانترنت  


أما لو عايز شركة كبيرة و بوزيشن كويس يبقي تركز معايا كويس 

ازاى تشتغل فى شركة انترناشونال ؟


أول حاجة لازم تفهم مفهوم الشركات في التوظيف اية 
أي شركة عايزة أفضل مواصفات في الموظف بأقل راتب 
و كل ما الراتب يزيد متطلبات التوظيف تزيد و الشروط تبقي أصعب 
يعني الشركات بتتعامل بمبدأ هتدفع كام و مقابل اية 
 


1_ التعليم 
لازم تعرف أن التعليم المصري غير مصنف في جودة التعليم العالمي و كلنا عارفين ده
 احنا بنتعامل مع شهادتك الجامعية علي انها شهادة لمحو الأمية فقط لا غير 
حاول تنسي فكرة انا مؤهل عالي و جامعي و الكلام ده 


2_ اللغة 
زمان الإنجليزية كانت لغة تانية النهاردة هي اللغة الأولي
فلازم تتكلمها زي العربي كده ده موضوع منتهي
و بعد كده ياريت يبقي في لغة تانية " فرنساوي ، روسي ، إسباني، صيني " ده بيرفع مرتبك و يزود نسبة قبولك  


 


2_ MBA
أو الماجستير في إدارة الأعمال بقي من الحاجات المهمة جدا و ممكن يزود مرتبك للضعف و بيخليك في المقدمة أثناء التوظيف أو الترقية 
لأننا بنعتبرك شخص محترف و شغال علي نفسه و مكلف نفسة فلازم نقدر ده  
المعترف بيه هو الدبلومات و الماجستير الدكتوراه ، و الكورسات المتخصصة فقط


 


4_ علي قد ما تصرف علي نفسك ، الشغل هيصرف عليك ،
لازم تحفظ المصطلح ده 
استثمر في نفسك
 الأولوية دايما للناس الناجحة في حياتها في العموم مش مجاله بس ، ركز علي هواياتك و الرياضة و الفن ، دول حاجات ليهم قيمة 

5_ و مهارات التواصل  body language 
 الثقة في النفس مهمة 
لأن أي إنسان ناجح واثق في نفسه  


6_ البدلة السوداء في interview كارثة علي فكرة 
ال CV اللي انت طابعة في سيبر أو من الانترنت كفيل انه يخسرك كتير 
يعني واحد مش مهتم يعمل
CV بنفسه أشغله ازاي 


7_الفشل و التجارب الفشله مهمة جدا 
لأن ده معناه انك شخص قوي و بتحاول و عندك خبرة و إصرار. 
 أوعي تتكلم عن نفسك بمثالية أو ترد علي الأسئلة بطريقة نموذجية انت انسان خليك علي طبيعتك 
 الوظائف اللي بتشترط المظهر الجيد دائما بتعرفك من 3 حاجات " الجزمة، الساعة ، البرفيم " بالنسبة للبنات نزود الشنطة .



8_ لازم تفهم أن كل ما تصرف علي نفسك هتاخد فلوس اكتر ، و كل ما مهاراتك تزيد  
أصحاب البيزنس بيحسب انت تقدر تكسبه كام و علي أساسها بيحدد هو هيدفع لك كام
علشان كده بتسمع عن مرتبات ممكن تفتكر ها ثروة و هي عادي جدا 


ازاى تشتغل فى شركة انترناشونال ؟

Made by mayar Mohamed


شغل

شركة انترناشونال

تطوير

مهارات

تنمية

انترفيو


Share

Suggestions

AD1

Back to Top