إزاي تقدر تحصل علي وظيفة ؟ و ازاي مرتبك بيتحدد ؟ و ازاي مرتبك بيزيد ؟ و ليه الشركات ممكن ترفضك ؟
لو انت طموحك أن تشتغل في أي شركة و السلام ، دي مفهاش مشكلة دور علي الوظـائف الخالية في أي جورنال أو الانترنت
أما لو عايز شركة كبيرة و بوزيشن كويس يبقي تركز معايا كويس
ازاى تشتغل فى شركة انترناشونال ؟
أول حاجة لازم تفهم مفهوم الشركات في التوظيف اية
أي شركة عايزة أفضل مواصفات في الموظف بأقل راتب
و كل ما الراتب يزيد متطلبات التوظيف تزيد و الشروط تبقي أصعب
يعني الشركات بتتعامل بمبدأ هتدفع كام و مقابل اية
1_ التعـليم
لازم تعرف أن التعليـم المصري غير مصنف في جودة التعـليم العالمي و كلنا عارفين ده
احنا بنتعامل مع شـهادتك الجامعية علي انها شـهادة لمحو الأمية فقط لا غير
حاول تنسي فكرة انا مؤهل عالي و جامعي و الكلام ده
2_ اللغـة
زمان الإنجـليزية كانت لغة تانية النهاردة هي اللغـة الأولي
فلازم تتكلمها زي العربي كده ده موضوع منتهي
و بعد كده ياريت يبقي في لغـة تانية " فرنساوي ، روسي ، إسباني، صيني " ده بيرفع مرتبك و يزود نسبة قبولك
2_ MBA
أو المـاجستير في إدارة الأعمال بقي من الحاجات المهمة جدا و ممكن يزود مرتبك للضعف و بيخليك في المقدمة أثناء التوظيف أو الترقية
لأننا بنعتبرك شخص محترف و شغال علي نفسه و مكلف نفسة فلازم نقدر ده
المعترف بيه هو الدبلومات و المـاجستير الدكـتوراه ، و الكـورسات المتخصصة فقط
4_ علي قد ما تصرف علي نفسك ، الشغل هيصرف عليك ،
لازم تحفظ المصطلح ده
استثمر في نفسك
الأولوية دايما للناس الناجحة في حياتها في العموم مش مجاله بس ، ركز علي هواياتك و الرياضة و الفن ، دول حاجات ليهم قيمة
5_ و مهارات التواصل body language
الثقة في النفس مهمة
لأن أي إنسان ناجح واثق في نفسه
6_ البدلة السوداء في interview كارثة علي فكرة
ال CV اللي انت طابعة في سيبر أو من الانترنت كفيل انه يخسرك كتير
يعني واحد مش مهتم يعمل
CV بنفسه أشغله ازاي
7_الفشل و التجارب الفشله مهمة جدا
لأن ده معناه انك شخص قوي و بتحاول و عندك خبرة و إصرار.
أوعي تتكلم عن نفسك بمثالية أو ترد علي الأسئلة بطريقة نموذجية انت انسان خليك علي طبيعتك
الوظـائف اللي بتشترط المظهر الجيد دائما بتعرفك من 3 حاجات " الجزمة، الساعة ، البرفيم " بالنسبة للبنات نزود الشنطة .
8_ لازم تفهم أن كل ما تصرف علي نفسك هتاخد فلوس اكتر ، و كل ما مهاراتك تزيد
أصحاب البيزنس بيحسب انت تقدر تكسبه كام و علي أساسها بيحدد هو هيدفع لك كام
علشان كده بتسمع عن مرتبات ممكن تفتكر ها ثروة و هي عادي جدا
ازاى تشتغل فى شركة انترناشونال ؟