AD1
الرئيسية / المقالات /
2837 مشاهدة10 يوليو 2018

.قوى و تتقبل فى الوظايف CV ازاى تعمل - STJEGYPT

.قوى و تتقبل فى الوظايف  CV ازاى تعمل - STJEGYPT

.قوى و تتقبل فى الوظايف CV ازاى تعمل

 1_ليه لازم اعمل CV ؟
ببساطه لان معظم الشركات بتطلب انك تبعت ال السيرة الذاتية بتاعك على ايميل الشركه علشان تقدر تقدم فى الوظيفه / المنحه / التدريب 

2_ مكونات ال CV ؟
Personal Information, Objective, Education, Work Experience, Training and Internships, Scholarships, Extra-activities, Courses, Sessions and Workshops, Languages, Skills, Interests, References

3_ البيانات الشخصيه (Personal Information):
بنكتب الاسم والعنوان ورقم التليفون والايميل 
يفضل نكتبهم اول حاجة ويكونوا فى نص الصفحه فوق
بالنسبه للاسم:
بتكتب اسمك ثلاثى او رباعى (زى الاسم اللى موجود فى البطاقه بالظبط بس بالانجلش) ولازم بداية كل اسم يكون حرف Capital

4_ العنوان:
مش لازم تكتب عنوانك بالتفصيل ملوش لزمه فى ال CV
الفكره فى العنوان ان عاوز يعرف انت قريب من شغل او لا  
 ولو ليك سكن قريب من مكان الشغل يفضل طبعا تكتبه علشان هيكون ميزه ليك

5_ رقم التليفون:
يفضل انك تكتب رقم موبايل  واحد فقط ليك وبتستخدمه باستمرار
 ممكن تخصص خط يكون للحاجات اللى انت بتقدم عليها سواء تدريبات او وظائف بحيث تكون عارف ان اللى هيتصل عليك هيكون بخصوص شغل وبحيث برده لو اتصل عليك وجالك
لو بتقدم على حاجه بره مصر متنساش تكتب كود ام الدنيا 

6_الايميل:
بتكتب الايميل بتاعك سواء (Hotmail / Yahoo/ Outlook/ Gmail /…)
ولازم الايميل يكون Professional

7_ لينكد ان (Linked-In):
مهم جدا يكون عندك Account 
وتكون مظبطه وكاتب فيه مؤهلاتك ومهاراتك و

8_الصوره الشخصيه:
مش لازم تحط CV
بس لو اتطلب تبقى بروفشنال 

9_ بالنسبه لتاريخ الميلاد والحاله الاجتماعيه:
بلاش تكتبهم الا لو سألك عليهم 


10_ هدفك من الوظيفه / التدريب (Objective):
بتكتب فيه اسم الشركه وال Position
اللى مقدم عليهم وازاى هتقدر تفيد الشركه
خلية واضح و مبين فية ازاى انك شخص عندك هدف و بروفشنال 

11_ خبرات العمل (Work Experience):
بتكتب فيها الاعمال اللى اشتغلتها وبالاخص المرتبطه بالوظيفه اللى مقدم عليها بحيث تبين انك مؤهل للوظيفه من خلال خبراتك السابقه 
 وتاريخ بداية ونهاية العمل (بالشهور والسنوات) ودورك او المسئوليات اللى كنت بتعملها ولو فيه انجاز عملته اكتبه هيبقى ميزه طبعا ليك

12_ التعليم الاكاديمى (Education):
لو انت خريج: بتكتب اسم الدرجه العلميه ثم التخصص ثم الكليه/المعهد ثم الجامعه ثم سنة التخرج
وتكتب التقدير التراكمى لو جيد فيما فوق انما لو مقبول متكتبهوش 
ولو فيه مشروع تخرج اكتب اسمه وسطر او سطرين شرح ليه بصوره عامه وتقديرك فى المشروع لو جيد فيما فوق برده 
ولو معاك اكثر من درجه علميه اكتبها (الاحدث فالاقدم) بنفس الطريقه السابقه 
لو انت طالب: نفس الكلام بس بتكتب الفرقه الدراسيه اللى انت فيها  ومش بتكتب سنة التخرج ولا التقدير ولا المشروع

13_ التدريبات (Training and Internships):
بتكتب اسم الشركه/المكان اللى تدربت فيه والفتره التدريبيه _ وممكن تكتب الحاجات اللى اتدربت عليها 

14_ المنح (Scholarships):
بتكتب اسم المنحه والجهه المانحه والفتره اللى قضيتها
وبرده ممكن تكتب الحاجات اللى درستها فى المنحه 

15_ الانشطه الطلابيه /التطوعيه (Extra-activities):
بتكتب اسم النشاط والفتره اللى شاركت فيها ودورك / المهام اللى كنت بتعملها 
مع العلم ان الانشطه من الحاجات المهمه جدا واللى بتثبت فيها انك شخص اجتماعى وبتساعد غيرك وبتعرف تنظم ما بين دراستك ونشاطك التطوعى

16_ الدورات (Courses):
اسم الدوره واسم المركز/ المكان اللى اخدت فيه الكورس (لو معتمد ومعروف) ولو فيه شهاده معتمده ممكن تكتبها وطبعا منقدرشى نجهل ال
Online Courses
وقد ايه انها مفيده وبتثبت لل انك شخص بتعتمد على نفسك وبتتعلم وبتطور من مهاراتك
اكتب برده اسم الكورس والموقع بتاعه  واسم الجامعه اللى اخدتها منه

17_ الندوات وورش العمل (Sessions and Workshops):
بتكتب اسم الندوه/الورشه والفتره اللى قضيتها وممكن تكتب الجهه المنظمه 

18_ اللغات (Languages):
بتكتب اسم اللغه ومستواك فيها (Good, Very good, Fluent, …) 
وبلاش تكذب وتقول انك Fluent
فى لغه معينه
وانت اصلا بتتكلمها بالعافيه 

19_ المهارات (Skills):
ودى بتنقسم لنوعين: Soft Skills & Technical Skills
ال Soft:  Communication, Presentation, Leadership, Teamwork, Negotiation, Problem Solving, Time Management, Decision Making, …
وال Technical: Microsoft Office, AutoCAD, SolidWorks, Photoshop, SAP,

20_ الاهتمامات (Interests):
اكتب اهتماماتك (بالاخص الاهتمامات اللى تفيد الوظيفه / التدريب اللى بتقدم عليه) وبلاش تكتب انك بتحب القراءة  وتلاقيك عمرك ما فتحت كتاب

21_ المراجع (References):
بتكتب اسم شخص اشتغلت معاه فتره كويسه سواء (دكتور جامعه / مديرك السابق ) وبتكتب بياناته زى وظيفته ورقم موبايله والايميل

Made by Mayar Mohamed




CV

CVمقابلة

انترفيو

عمل


Share

Suggestions








Popular ScholarShips

Popular Cinema

AD1

Back to Top