نصايح مفيش مدرس او دكتور او كتاب هيقولك عليها
كل واحد هتقابلة فى حياتك هيبقى رسالة ليك
بس ساعات ادوار الناس بتقتصر على ان هما يعلموك حاجات علمية بس
المقال دة زى رسالة ليك من ربنا
نصايح مفيش مدرس او دكتور او كتاب هيقولك عليها
1_ اهم قواعد النجاح متقولش للناس كل حاجة ناوى تعملها او كل حاجة تعرفها
2_متسعاش ان يتقال عليك ناجح قد ما تسعى انك تنجح فى انك تلاقى نفسك و تطور نفسك فى مجال اللى انت متميز فية
3_مهما تقرا و تتعلم عمرك ما هتوصل لاخر حاجة فى العلم انت بس بتبعد نفسك عن انك تبقى جاهل
4_العبرة مش فى عدد الكورسات قد ما بتعرف تطبق اية
5_الطريق لاى هدف بالجهد و الصبر اكتر من اى حاجة تانية
6_انك تتعلم لغة تانية دة مش رفاهية قد ما بقا اساسي الايام دى
7_ ان تسخر من اللى اقل منك علم مش هيزيدك مكانة او علم و انت مهما توصل من علم ف دة مقارنة بالعلم ككل و لا حاجة
8_ العلماء الحقيقين مش مهتمين بالدرجات العلمية او الشهادات او الشهرة انما بيهتموا انهم يعملوا اسهامات للبشرية
9_ابعد عن الناس اللى بتقولك دايما ان كلية او شغل او هدف معين صعب و محتاج وقت و ممكن ميتحققش لان هياثر الكلام عليك بعد كدة
10_ متقولش المنهج دة صعب او الهدف دة صعب حاول تلاقى طرق اكتر ما بتقكر هو صعب ازاى
11_النجاح يعنى انك مش افضل من صاحبك على اساس انك بقيت افضل من نفسك قبل كدة
12_هناك دائما فرصة ابدا من جديد
13_الشهادات معناها انك شخص متفوق و لكن مش بالضرورة انها تجبلك احترام الاخرين الحاجة الوحيدة اللى هتجبلك الاحترام هى اخلاقك
14_الجامعة مش كفاية لازم تبدا فى التعليم الذاتى
15_اقرا كثيرا فى المجال اللى بتحبة و المجالات التانية بشكل عام
نصايح مفيش مدرس او دكتور او كتاب هيقولك عليهاMade by
Mayar Mohamed
