موقع أكثر من رائع وعظيم جدا ( هو موقع انجليزي مش عربي ) و زي ما الكل عارف انت محتاج تتعلم وتطور من الانجليزي بتاعك لأن العلم دلوقتي بالإنجليزي واي مصدر تعليمي نضيف ومحترم هيكون انجليزي :") والناس هنا في الجروب مقصرتش فـ حاجة وما شاء الله كورسات الانجليزي الي نزلت عالجروب متوفرة وبكثرة :")
طيب خلينا نشرح فكرة الموقع :-
زي ما قولنا موقع متخصص في علم النفس وبيجتمع فيه مجموعة كبيرة جدا من علماء النفس والأطباء النفسيين والأكاديميين عشان يقدروا يشاركوك بمعلومات مختلفة عنك ..
لما تدخل الموقع هتلاقي عندك جزء خاص اسمه Find a Therapist بحيث تقدر تلاقي معالج نفسي ( بس للأسف مش موجود ف الدول العربية ) إلا لو حضرتك عايش برة تقدر تدور علي معالجين وأطباء نفسيين قريبين منك لو احتجت :")
بعد كده الجزء الخاص بالمواضيع ويٌعرف ب Get Help - هتلاقي فيه المواضيع الي حضرتك محتاجها تتعلق بالإدمان و القلق والإنعزالية والاضطرابات والإكتئاب والخجل والتحفيز وحاجات كتييرة جدا موجودة بالموقع وطبعا زي ما قولت المصادر مذكورة لو حبيت تتأكد من صحة الكلام الموجود وتدور اكتر وتبحث اكتر :) ^^
الجزء التالت Magazing و ده الجزء الخاص بالمجلة لو حبيت تشارك فيها ..
والجزء الأخير وهو Today - وده بإختصار المواضيع اليومية الي نزلت او المواضيع الجديدة الي بتنزل و ده مهم لو حبيت تعرف ايه احدث المواضيع الي نزلت وتاخد بصة عليها ..
وانت بتتصفح الموقع هتلاقي اكتر المواضيع مشاهدة ومواضيع مختلفة فـ مختلف الانواع زي مواضيع ف العلاقات العامة والحياة الإجتماعية و هكذا ..
بصراحة الموقع رائع جدا وعني عن التعريف هتستفيد منه فـ انك تعرف معلومات وفي نفس الوقت تطور الانجليزي لأنه هيساعدك تقرأ بالإنجليزي ودي حاجة كويسة جدا جدا عشان تحسن اللغة عندك
الدخول للموقع
من هنا
