AD1
الرئيسية / المقالات /
2963 مشاهدة07 سبتمبر 2018

مهم جدا ,, إزاي تلتزم و تستمر فـي الكورس الي بتاخده أو المادة الي بتدرسها ؟ - STJEGYPT

مهم جدا ,, إزاي تلتزم و تستمر فـي الكورس الي بتاخده أو المادة الي بتدرسها ؟ - STJEGYPT

ازاي تبدأ فـ التعلم عالإنترنت وفهمنا مصطلح الـ MOOCs و ايه مميزاته و التحديات الي بيواجهها .. بعد ما عرفنا ازاي نستفيد و نكتب معلومات الكورس الي بناخده ..
لكن البوست ده ازاي اصلاً تكمل الكورس و تخلصه بدل ما تفضل تاخد في كورسات ومتكملش ولا واحد منهم

أولاً :- بلاش تبقي مشتت .. رتب أولوياتك .. شوف الكورس الي يناسبك ..
بمعني أنت عايز تتعلم برمجة .. بس انت داخل فـ كذا كورس .. واحد ف البرمجة و واحد فـ الاقتصاد و واحد إنجليزي و واحد فـ المحاسبة .. طب ما تركز شوية في المجال الي انت عايزه وشوف فعلاً انت محتاج ايه ؟ اعد مع نفسك و شوف الكورسات الي انت واخدها دي ايه الي انت عايزه منها و اايه الي شايفه هيفيدك و اتأكد من رغبتك بجد !! ده اهم عامل اهم من باقي الحاجات الي هقولها .. مبقولش متاخدش كورس اقتصاد ممكن تاخد اه بس انت مطالب دلوقتي ترتب اولوياتك وتشوف فعلاً انت محتاج إيه ..

ثانياً :- حدد اهدافك الي انت مطالب تحققها بعد ما تخلص الكورس .. ذكرت في البوست اللي فات مرحلة " الغرض " وهي حدد انت عايز تعلم ايه .. والبوست ده قولتلك رتب اولوياتك و ابعد عن الي انت مش محتاجه لحد ما تخلص الي محتاجه .. المرحلة دي بقي وهي الاهداف من اللي اتعلمته .. بعد ما حددت انت هتتعلم ايه و شيلت باقي الحاجات من دماغك .. طيب انت بتتعلم ده ليه ؟ بتتعلم انجليزي عشان يساعدك تسافر برة ؟ بتتعلم برمجة عشان بتحبها فعلا وشايف نفسك هتبدع فيها ؟ بتتعلم فوتوشوب عشان نفسك تبقي ديزاينر محترم ؟ ولا بتتعلم عشان نفسك ترتقي بعقلك ومستواك وطريقة تفكيرك ؟ كلها اهداف اختار الهدف الي يناسبك .. و فكر نفسك بيه دايماً دايماً ده الحافز بتاعك .. ودايماً لكل مجتهد نصيب حط القاعدة دي فـ دماغك ..

ثالثاً :- اتعلم مع حد تعرفه .. ذكرت في البوست الي فات دور علي حد يتعلم معاك تشجعوا بعض وهكرر الكلام ده تاني انتوا الاتنين هتشجعوا بعض وتفيدوا بعض غير كده كل واحد منكوا هيشرح الي فاهمه للتاني ( لو مش فاهم ) وده هيساعدك انت شخصياً تثبت المعلومة فـ دماغك .. كل ما علمت غيرك انت وهو هتستفيدوا ..

رابعاً :- اكتب الكورس الي المفروض تكمله في قايمة أعمالك اليومية او جدولك اليومي مبقولش تخلصه ف يوم لا خد جزء منه .. وكافئ نفسك لما تخلص القايمة دي .. اي حاجة بتحبها تشوف فيلم بتحبه او تشوف انمي مثلا :"D ( وده الي انا بعمله علي فكرة ) برفه عن نفسي بكده :"D :"D .. لما تلاقي نفسك مخلص كل حاجة في القايمة معدا الكورس بتاعك .. هتحس ان انت لسة ناقصك بردو حاجة لازم تعملها فا هتقوم تعملها عشان تخلص بقي المهام بتاعتك و ترفه عن نفسك ..

خامساً :- شوف وصلت لفين .. لو انت واقف في نص الكورس ومش قادر تكمله .. شوف انت خلصت اد ايه و فاضلك اد ايه .. ده هيساعدك فـ أنك تقول لنفسك : أنا خلصت كم كويس ازاي مش هقدر اكمل الباقي ؟؟ الي خلاني اخد كل ده هيخليني اكمل الباقي .. ده هيحفزك بردو .. وبلاش تحط ف دماغك ان لسة بدري عالكورس لأن الي خلصه كان زيك كده وكان في البداية مكانك اكيد يعني :"D

سادساً :- الناس هنا عالجروب بتحفز سواء بإنجازات او مقولات تحفيزية او فيديوهات تحفيزية ( وأظن فيه فقرات مخصصة لكده ) شوف يمكن تتحفز .. رغم اني مبحبش عموماً فيديوهات أنت اقوي وستفعل المستحيل :") بس شوف انت ممكن تتحفز بإيه تاني غير أهدافك الي عايز تحققها ..

اهم نقاط البوست :-
- رتب اولوياتك وابدأ في الي يناسبك وابعد شوية عن الي مش مجالك ..
- حدد اهدافك الي مطالب تحققها وحد اهداف بعيدة المدي زي انك تسافر مثلاً .. والكورس الي بتاخده حط ف دماغك انه هيساعدك علي تحقيق الهدف البعيد المدي ..
- حط الكورس بتاعك في قايمة مهامك وكافئ نفسك لما تاخد جزء من الكورس ..
- دور علي حد تتعلم معاه ..
- قم بقياس تقدمك ما أنجزته وما تبقي ..

كورس اونلاين


Share

Suggestions

AD1

Back to Top