الرئيسية / المقالات /
5346 مشاهدة10 سبتمبر 2018

ازاي تغير حياتك تماما و انت في المواصلات و زحمة الطريق !! - STJEGYPT

ازاي تغير حياتك تماما و انت في المواصلات و زحمة الطريق !! - STJEGYPT


بما أن الدراسة تقريباً بدأت وسواء كنت طالب جامعي او ثانوي او حتي اعدادي ولكن بتركب مواصلات .. فـ إن شاء الله هنحاول فـ البوست ده نقول علي كام حاجة كده نستفيد بيها واحنا فـ الطريق لعلها تنفع إن شاء الله علي المدي البعيد .. لو مثلا مواصلاتك بتعد فيها ساعة فـ اليوم .. يعني قول مثلا مثلا 6 ساعات اسبوعياً بإعتبار فيه يوم اجازة , ضايعين منك .. يعني 24 ساعة ضايعين منك فـ شهر .. مش الأجدر انك تستغلهم ؟ ولو حتي تستغل نص الوقت ؟

اولاً لازم تبقي عارف ازاي تحمل علي موبايلك ( هعرفك ليه ) .. تحمل فيديوهات او ملفات وهكذا .. عشان كده هتحتاج اولاً يبقي عندك برنامج Snaptube هتحمل فيديوهات بالصيغة والجودة الي تعجبك ..

هتحمله من هنا

Snaptube

و يٌفضل بردو يبقي عندك ابلكيشن ADM برنامج تحميل ولكن فيه مميزات كويسة جدا تحفظ الملفات ف مكان معين او تحمل بسرعة معينة والبرنامج موجود علي Play Store مش هحط لينكات ..

=== الجزء الأهم من البوست ===

- هتدخل علي اللينك ده وتحمل سلسلة مقدمة قصيرة جداً .. هتقرأ السلسلة دي فـ مواصلاتك لو حبيت يعني والكتب صغيرة عموما ممكن الكتاب تخلصه فـ يومين ( وقت المواصلات بس )

من هنا

او تحمل سلسلة ثمرات من دوحة المعرفة كويسة بردو

من هنا

- هتفتح اليوتيوب بالليل قبل ما تنام او فـ اي وقت انت فاضي فيه وتحمل بلاي ليست عن موضوع معين عايز تدرسه .. وهنا هييجي دور برنامج سناب تيوب .. شوف لو فيه كورس عاليوتيوب عايز تاخده ممكن تشوفه فـ مواصلاتك اركب المواصلات وادفع وخلاص وركز فـ الكورس وطبعاً خد بالك يعني انت وصلت ولا لأ :"D والكورس ده ممكن يكون علم نفس لكراش كورس او بحث علمي اي حاجة كويسة يعني وهتنفعك ..

- قولتلك هتقرأ سلسلة مقدمة قصيرة او ثمرات المعرفة ممكن تحمل روايات او كتب عايز تقراها وكل يوم تقرا جزء منها عادي جداً الي يعجبك يعني .. وانا كنت عامل زمان تجميعة كتب علم نفس وتاريخ وفلسفة ومنطق .. وبوست تاني 40 رواية لن تندم علي قرائتها .. شوف الي محتاجه منهم ..

- لو معاك لاب او كمبيوتر وبتاخد كورسات علي منصة إدراك وما شابه وهتقدر تحمل الكورسات حملهم وانقلهم علي موبايلك تشوفهم وانت فـ الطريق ( معرفش بصراحة ينفع يتحملوا عالفون علطول ولا لأ لأني مش منزل الابلكيشنز بتاعتهم ) .. الموضوع متعب بس هتلاقي وقت تخلص كورس معين ولو حتي هياخد منك اسبوعين تلاتة شهر احسن من انك متاخدهوش خالص بسبب انك معندكش وقت ..

- جربت تتعلم شطرنج وتلعبه ؟ ادخل قناة Chess Network وشوف استراتيجيات لعب و طرق افتتاحية و هكذا وحمل ابلكيشنز تلعب عليهم شطرنج الصبح و الابلكيشنز كتير اختار الي يناسبك ..

- تعرف إبراهيم عادل ؟ صاحب قناة ZAmerican English ؟ جربت تحمل كورسات الصوتيات او المحادثة او القراءة وتتابعهم وانت فـ الطريق ؟ هنا بردو هييجي دور ابلكيشن سناب تيوب ..
طيب تعرف قناة mmmEnglish ؟ واحدة اجنبية بتشرح انجلش بطريقة كويسة جدا بردو وسهل انك تفهمها جرب تحمل فيديوهاتها بردو قبل ما تخرج ..

و بس كده :") عندك أفكار واقتراحات تانية تخلينا نستفيد منها اكتبها فـ كومنت وقولنا بردو إيه أكتر اقتراح من الي قولتهم عجبك وعندك استعداد تنفذه ؟

Share

Suggestions

Back to Top