.. حرفيًا
أنت تقدر تذاكر أي كورس في أي مجال بتحبه، ومُقدم من أرقى جامعات في العالم -وهي اللي بتجيلك لحد عندك- زي جامعة كاليفورنيا أو واشنطن، وأنت قاعد في التكييف في بيتك، وفي الآخر هتاخد شهادة، وكل ده ببلاش :o
يعني دلوقتي التنسيق والكلية مبقوش هما مقياس نجاح أي شخص، وممكن تشتغل أي مجال بتحبه بغض النظر عن كليتك وتخصصك
والدليل على كدا .. إن شركة جوجل مبقتش بتشترط الشهادة الجامعة كشرط من شروط التوظيف عندهم، وأصبح شرطهم الأساسي هو المهارات والمعرفة .. ودي تقدر تكتسبها بسهولة وبشكل مجاني عن طريق العلم اللي بتكتسبه من الكورسات الأونلاين ;)
.. وهو ده محور كلامنا النهاردة
:( نحب نقولك .. لو لسة بتضطر تاخد كورسات بأسعار خرافية في مراكز ومقتنع إنك بتتعلم صح .. للأسف تبقى غلطان
لإن التعلم الذاتي عن طريق الكورسات الأونلاين أصبح من أهم المعايير اللي بتميز شخص عن التاني لإنه بيدي انطباع عنك إنك شغوف للعلم والتجربة، وتقدر تتعلم أي حاجة بنفسك
!مع العلم إن نفس المحتوى اللي بتاخده بآلآف الجنيهات في أي مجال متوفر على الإنترنت وبنفس الكفاءة ومجانًا
الكورسات الأونلاين بتتقدم على مواقع على الإنترنت في مختلف المجالات ومجانًا، وبشهادات من جامعات عربية وعالمية
لكن خلينا متفقين إن محتوى الكورس ومدى استفادتك منه وتطبيقه عمليًا أهم بكتير من أي شهادة .. (y) والشهادات بتظهر لك على الموقع نفسه أو على الإيميل بمجرد ما تنتهي من الكورس
الكورسات بتكون عبارة عن مجموعة فيديوهات مدة كل فيديو قصيرة ومعاهم امتحان بسيط قياس مدى فهمك للمحتوى
مش مطلوب منك فلوس أو إنك تنزل كل يوم في المواصلات .. كل اللي محتاجه هو وصلة نت وشوية إرادة ونص ساعة كل يوم .. وبضغطة زر هتلاقي كل جامعات العالم بين إيديك
:من أشهر المواقع اللي بتقدم كورسات باللغة الإنجليزية
Udemy - Edx - Udacity - Khan academy- Alison - Shawacademy - Future Learn - Open 2 Study - Hp Life - Lynda - Coursera - code academy- Harvard university
:من أشهر المواقع اللي بتقدم كورسات باللغة العربية
إدراك - رواق - ندرس - زاد - سديم - وقف - إدلال - مهارة - الدارين - Edumefree – تمكين – جامعة النجاح الوطنية
متضيعش على نفسك متعة البحث على كل موقع واكتشاف المجالات المختلفة والكنوز الموجودة فيه .. وابدأ اعمل كاريرك من دلوقتي ^_^
