AD1
الرئيسية / المقالات /
4678 مشاهدة19 سبتمبر 2018

ثلاث صفات تميز الشخص الكسول - STJEGYPT

ثلاث صفات تميز الشخص الكسول - STJEGYPT

كلنا اتسألنا نفسك تطلع إيه لما تكبر واحنا صغيرين



والأغلب مننا كان بيقول نفسي أكون دكتور لكن لما كبرنا واتسألنا نفس السؤال كنا مشتتين واكتشفنا إن اهتمامتنا بتتغير كل سنة

 

وهنا بتظهر المشكلة وهي إننا بنحب نرسم ونغني وبنحب اللغات ونفسنا ندرس برمجة علشان فلوسها حلوة وهكذا



كل واحد ممكن يلاقي نفسه عنده أكثر من شغف ونفسه يعمل كل حاجة في نفس الوقت بس ولا عارف إزاي يجمع بينهم ولا عارف يختار مجال واحد يركز عليه فبيشتت



كام مرة قررت إنك هتركز في حاجة واحدة بس وليكن الإنجليزي وكرست كل وقتك وفلوسك ليه وكنت متحمس للفكرة وفجأة بعد كام أسبوع زهقت فبالتدريج بدأت تقلل من مذاكرته لحد ما وقفته

وبدأت تدرس مجال تاني وليكن البرمجة وقولت هكمل للآخر ونفس المشكلة اتكررت في الأول عندك حماس تكمل وبالتدريج بيقل لحد ما تزهق ومتكملش

ومع تكرار المشكلة دي بتحس إن الغلط فيك وإنك فاشل علشان مش عارف تركز في مجال واحد

 

المبدعة إميلي وابنيك اتكلمت عن النقطة دي على منصة تيد وقالت إنكم طبيعين بل ومبدعين

أيوا في ناس عندهم شغف واحد وحلم بيسعوا لتحقيقه

لكن في ناس تانية متعددة المواهب متقدرش تختار مجال واحد تركز عليه هما عايزين يجربوا كل حاجة

والاتنين مش غلط

 

من حقك تكون دكتور وفي نفس الوقت بتحب العزف والتصوير

الحالة اللي بتتكلم عنها اسمها تعدد القدرات الكامنة وهو شخص لديه العديد من الاهتمامات والهوايات وبيكون عنده ثلاثة قوى بتميزه عن أي شخص تاني على وجه الأرض

 

أولًا تركيب الفكرة

هي الجمع بين مجالين أو أكثر وخلق شيء جديد مشترك بينهم زي مثلًا شخص خريج تربية لكن بيحب مجال العلاقات العامة وجمع بين دراسته في الكلية وشغفه وأصبح محاضر



ثانيًا التعلم السريع

أنت شخص عندك القدرة على تجربة كل مجال وجربت احساس الفشل والنجاح وده بيخليك تقدر تبحث وتتعلم أي مجال جديد بسهولة



ثالثًا القدرة على التكيف

تقدر تكون مهندس وفي نفس الوقت مصمم أزياء أنت ولدت لتكون هذا الشخص اللي بيتكيف مع كل الظروف



 سواء كنت شخص عارف عايز تبقى إيه وبتشتغل على ده أو شخص متعدد القدرات والمواهب فـ أنت طبيعي بس الفكرة إنك تعرف إزاي تتعامل مع نفسك وقدراتك وتتقبلها



العالم بحاجة لذوى القدرات الكامنة بقدر احتياجه للمتخصصين فلا تقتلوا إبداعهم

الشغف

الإبداع


Share

Suggestions

AD1

Back to Top