الرئيسية / المقالات /
79589 مشاهدة21 سبتمبر 2018

ادرس في جامعات هارفارد وكاليفورنيا أونلاين بشهادة مجانًا - STJEGYPT

ادرس في جامعات هارفارد وكاليفورنيا أونلاين بشهادة مجانًا - STJEGYPT


من أقوى مواقع الكورسات الأونلاين اللي بتقدم محتوى قيم هو موقع كورسيرا وهو واحد من أفضل المواقع اللي بتقدم كورسات أونلاين فهتوفر وقتك وفلوسك وبتدرس في الوقت والمكان المناسب ليك





وبتكون في مختلف المجالات وبشهادات من جامعات عالمية ومجانية





ببساطة اكتب على جوجل اسم موقع كورسيرا وهيتفتحلك كنز علي بابا





طبيعة الكورسات على موقع كورسيرا





الكورسات مقدمة من جامعات أجنبية واللي بيشرح دكاترة في الجامعات نفسها يعني العلم اللي بيدرسوه برة بيتقدملك وأنت في بيتك وببلاش بدل ما تتكلف عناء السفر ليهم





كل كورس عبارة عن مجموعة من الفيديوهات لا تزيد مدتها عن عشر دقايق والشرح اللي بيقوله البروفيسور بيكون مكتوب باللغة الإنجليزية وبعض الكورسات بتكون مترجمة





بعد ما تخلص الفيديوهات بتحل امتحانات وتكليفات عشان تتضمن إنك فهمت الكورس ومطلوب تنجح فيها





مدة الكورسات





بتبقى حوالي شهر وبتتفتح في مواعيد معينة مكتوبة وكل كورس بيتعاد أكثر من مرة على مدار السنة





كيفية التسجيل على الموقع والحصول على الشهادة مجانًا





طريقة التسجيل مشروحة بالتفصيل على اليوتيوب كل اللي عليك إنك تفتح اليوتيوب وتكتب الدعم المالي لكورسيرا

ده فيديو هيعرفك طريقة التسجيل الجديدة: اضغط هنا

 



الكورسات بتكون مجانية لكن الشهادة علشان تحصل عليها مجانًا بتعمل دعم مالي لأي عدد من الكورسات وهو عبارة عن مجموعة أسئلة بتجاوبها وانتظر رد على إيميلك بعد حوالي أسبوعين بالقبول





  ومتعطلش وقتك لحد ما الدعم يتقبل تقدر تذاكر محتوى الكورس لحد ما الدعم يتقبل عن طريق الدخول على صفحة الكورس الرئيسية ثم الضغط على انرول





شروط الحصول على الشهادة واستلامها





تخلص الكورس وتنجح ف الامتحانات والتكليفات





وهتظهرلك الشهادة على الموقع نفسه وممكن تطبعها من أي مكتبة





قيمة الشهادات على موقع كورسيرا





أولًا حصولك على الشهادة بدون ما تكون استفدت من الكورس شيء ملهوش معنى





ثانياً لو بصينا في أي شهادة كورسيرا هتلاقي على الشمال من تحت لينك الشهادة الخاص بيك فـ لما بتقدم الشهادة دي مع السي في أي حد يقدر يفتح الموقع ويشوف الشهادة بنفسه على الموقع





بالإضافة إلى إن كونك متعلم ذاتي ده ميزة مهمة لإن عمر الشغل ما بيعلمك كل حاجة ف هما بيبحثوا عن شخص بيتعلم بنفسه

Share

Suggestions

Back to Top