تخيل كدا معايا .. موجود كام موقع بيقدم كورسات أونلاين؟ 100؟ 1000؟ 10000؟
وإنت عايز تدور على كورس معين .. هل هتقدر تدخل على كل موقع وتدور فيه لو موجود الكورس ولا لا؟
أكيد لا
بس الأكيد إن البحث هيكون أسهل لو فيه محرك بحث ليهم زي جوجل
محرك تكتب فيه الكورس اللي عايزه وهو يبحث في كل مواقع الكورسات الأونلاين مع نفسه .. وفي الآخر يجيبلك نتيجة بحثه عبارة كل الكورسات اللي تخص المجال اللي أنت عايزه
هنقدملكم النهاردة أكثر من محرك بحث هيوصلوك للكورسات اللي تخص المجال اللي حابب تدرسه بسرعة
Arbcours موقع
هو محرك بحث عربي شامل لآلاف الكورسات في جميع المجالات
محرك بحث كورساتي
هتلاقي عليه كل الكورسات الموجودة على النت على شكل فيديوهات تعليمية، وبيقوم بتصنيف الكورسات وترتيبها بشكل احترافي لتسهيل الوصول ليها
Slide rule محرك بحث
هو مش بس محرك بحث عن أشهر الكورسات .. هو كمان بيجبلك الكورسات اللي بتقدمها الجامعات المختلفة حول العالم على الإنترنت
بالإضافة لدوره في البحث كمان بيقدم ورش عمل أونلاين ومجانًا
ومسارات للتعلم عن طريق تجميع مصادر الدراسة في مكان واحد زي ماجستير إدارة الأعمال وتحليل البيانات .. وغيرهم
Skilled up موقع
هي شركة ناشئة متخصصة في تقديم الحلول للشركات والمبادرات من خلال تنمية مهارات الموظفين، والسماح للجميع بالاستفادة من التعلم الأونلاين
بالإضافة لكونه محرك بحث عن الكورسات الأونلاين .. هو كمان بيقدملك مقالات ليها صلة بموضوعات بحثك، ومحاضرات علشان تقدر تثقل مهاراتك
الموضوع سهل وهيوفرلك وقت كتير .. كل اللي عليك هو إنك تبدأ
كتابة
