لو مش موجود في مكتبي، بشتغل لمدة 12 ساعة متواصلة. هتلاقيني على قمة جبل من الجبال
دي جملة عبقرية قالها أول مصري وأصغر عربي يتسلق قمة جبل إفرست
إنه الشاب المصري الرحالة عمرة سمرة يا سادة
في مراهقته
تسلق أول جبل ثلجي ليه في الألب وهو في عمر السادسة عشر .. وده كان مصدر إلهامه إنه يتسلق جبل الإفرست في يوم ما
وكان كل اللي حواليه بيعتبروه حلم غير واقعي على الإطلاق نظرًا لإصابته بالربو الشديد وهو عنده 11 سنة
على الجانب الأكاديمي
حاصل درجة البكالوريوس في الاقتصاد وإدارة الأعمال من الجامعة الأمريكية بالقاهرة
حاصل على درجة الماجستير في إدارة الأعمال من كلية لندن
على الجانب المهني
اشتغل في مصرف الإتش إس بي سي فرعي لندن وهونج كونج لمدة عامين ونصف
المميز في سمرة إنه مكتفاش باللي حققه وقرر يخلد اسمه واسم بلده في التاريخ، وده اللي دفعه لاتخاذ قرار مصيري في حياته وهو أن يستقيل من عمله
وقام بعمل رحلة في آسيا وأمريكا اللاتينية لمدة عام كامل تلاها رحلته الشهيرة لقمة جبل إفرست اللي استغرقت شهرين
وبعيدًا عن تسلق قمم الجبال .. طبيعة الشخص المغامر إنه مش بيكتفي بمغامرة واحدة وبيكون متعطش للمزيد
اجتاز غابة كوستاريكا خلال 3 أسابيع
اشتهر بركوب الدراجات حول الأندلس بأسبانيا ومن لندن إلي باريس
سافر إلي أكثر من 60 دولة
وحب يشارك الجميع مغامراته وكل حاجة عملها وشافها واتعلمها فقام بنشر كتابات حول رحلاته
أي حد مننا هيكون عنده سؤال مُلح لعمر .. وهو إيه اللي خلاك تفكر في تسلق أعلى وأخطر قمة جبال في العالم؟
وكانت إجابة سمرة لما اتسأل عن الموضوع ده
يعتبر إفرست واحد من أصعب التحديات الإنسانية. كنت متحمس للتسلق وأنا شديد الإيمان بوجوب تحدي كل منا دائمًا لتصوره الشخصي عن حدود قدراته
بدا إفرست تحديًا لاعقلانيًا لمصري، فاحتضنته بكل إخلاص ونما هذا الشعور داخلي حين تفاجئت حتى بعدم محاولة أي مصري خوض التجربة
منذ تلك اللحظة، أصبحا الرغبة والفخر بتمثيل بلدي ورفع العلم المصري فوق أعلي الأماكن علي وجه هذه الأرض دائمًا أمام عيني
في 2009 أسس عمر وايلد جوانابانا للسياحة، وهي أول شركة سياحة تتخصص في تنظيم رحلات صديقة للبيئة، غير تقليدية، تتميز الغرابة وروح المغامرة
نصيحة عمر سمرة لكل شاب
ناس كتيرة شايفة إن الفشل هو تكرار المحاولات وعدم النجاح. لكن الفشل الحقيقي هو إنك ماتبدأش أصلًا. علشان كده لازم تثق في نفسك وقدراتك، وتبدأ تنفذ أفكارك
ومن المتوقع أن يكون عمر سمرة بحلول 2020 أول رائد فضاء مصري عربي يصعد للقمر
