AD1
الرئيسية / المقالات /
3157 مشاهدة04 ديسمبر 2018

رحلة كفاح.. من دبلوم لمستوى الطلاقة في الإنجليزي - STJEGYPT

رحلة كفاح.. من دبلوم لمستوى الطلاقة في الإنجليزي - STJEGYPT

من دبلوم فنادق لواحد من أشهر المترجمين في الوطن العربي.. هو مستر مايكل يوسف

نموذج عظيم لشخص من أسرة بسيطة بظروف مالية وصحية صعبة، لكنه اتحدى كل ده وقدر يكون مصدر أمل لكثير من الشباب من جميع أنحاء الوطن العربي



حكايته بدأت أما دخل دبلوم فندقي نظرًا لاحتياجه للشغل، بعد ما خلصه دخل كلية تجارة لكنه مكنش شايف نفسه فيها وسابها .. جرب يشتغل في السياحة لكن لقى نفسه إنه مش عايز يشتغل جارسون، كان عايز يجتهد أكثر ويشتغل على نفسه ويكون أكبر من كدا .. بس مش عارف يعمل إيه؟



سمع عن مجال البرمجة إن فلوسه كويسة ومجال شيق .. فـ بدأ يقول لأصدقائه وأهله إنه عايز يبقى مبرمج لكنه لقى سخرية من الكل .. وكان دايمًا بيسمع جملة أنت دبلوم عايز تكون مبرمج إزاي؟ أنت آخرك تشتغل جارسون أو تنتحر لو مش عاجبك



عرف إنه علشان يحترف المجال ده لازم يذاكر كتب برمجة بالإنجليزي .. وهو مستواه صفر في اللغة .. فبدأ يجيب الكتب دي ويترجم كلمة كلمة، واعتزل كل الناس اللي بتحاول تحبطه أو تتريق عليه لمدة سنة مكنش بيعمل فيها حاجة غير إنه يذاكر



النتيجة الطبيعية للسعي هي إن مستواه بدأ يتحسن وفي سنة 2003 اشتغل وأخد شهادتين من مايكروسوفت في البرمجة وقواعد البيانات وهو لسة معاه دبلوم

فقرر إنه يجرب يكتب مقالات على موقع وكان ساعتها يعرف شخص معاه ماجستير في علوم الحاسب وبعت هو كمان مقالة في نفس الوقت .. والصدمة إن مقال مايكل اتقبل ومقال الشخص التاني اترفض

وبعدها اتعرض عليه يكتب مقالات في البرمجة بفلوس .. ومقاله الأول قرأه أكثر من 700 ألف شخص

وبعدها وصل لمنصب مدير قواعد بيانات .. بس كان لازم يحل مشكلة الكلية



في سنة 2006 دخل كلية آداب ترجمة.. قسم التعليم المفتوح جامعة القاهرة



بعدها بسنتين ظهرت عليه أعراض مرض شديدة والدكاترة مكنوش عارفين يشخصوه وصرف تحويشة عمره على التحاليل والأشعة .. رغم إنه اتخرج بالعافية لكن في الوقت ده شغله وفلوسه وصحته ضاعوا .. كان مُحطم بكل معنى الكلمة



وقال هدور في الكتب على أعراض مرضي واتعالج هي كدا كدا بايظة

فاكتشف إن عنده تسمم بالزئبق بسبب حشو الأسنان سبب تسمم بالنحاس وفقر شديد بالزنك ومشاكل في الغدد .. ورحلة العلاج خدت من عمره سنين



ولكنه قدر يشتغل كمترجم .. وحضر ماجستير في الخارج .. ومكتفاش بعلمه لنفسه .. لا ده قدر يساعد آلآف الناس حول العالم العربي في تعلم الإنجليزي



مايكل يوسف دايمًا بينصح الشباب.. لازم يكون عندك أمل وعزيمة وإصرار وإلا يبقى مفيش هدف من الحياة

مايكل يوسف

ترجمة


Share

Suggestions

AD1

Back to Top