خصص ولو نص ساعة من يومك وخليهم لحاجة من دول بدل قعدة الفيس وأنت هتندهش من النتيجة بعد أقل من شهر
اقرأوا كتب بمعدل ثابت يوميًا
اتعرفوا على ناس ناجحة سواء في الإيفنتات أو من على النت شبكة العلاقات مهمة وهتفيدكم متستهونوش بيها
شوفوا أفلام وثائقية على اليوتيوب وناشونال جيوغرافيك
اسمعوا مقاطع صوتية بالإنجلش
اعملوا الحاجة اللي خايفين تفشلوا فيها
اتعرفوا على أجانب ومارسوا معاهم اللغة
العبوا رياضة سواء ف الجيم أو حتى في البيت
سافروا وخدوا منح
اتعلموا كل يوم حاجة جديدة وطبقوها
اعرفوا إزاى تتعاملوا مع أولادكم عن طريق البحث على جوجل على التربية الإيجابية ومنتسوري
اتفرجوا على فيديوهات تيد
اقروا أكتر عن دراسات الجدوى واعملوا مشروعات صغيرة حتى لو هتخسروا بس الأكيد هتتعلموا
احضروا إيفنتات وورش عمل
حافظوا على علاقتكم بربنا
خليكم عاقلين في كل شيء في حياتكم إلا تطوير نفسكم
كونوا مجانين وذوي شراهة للعلم .. أحسنوا الظن بالله وهتحصلوا على عشر أضعاف مجهودكم ووقتكم وفلوسكم .. خليكم جاهزين لليوم اللي هتتسألوا فيه عن عمرك فيما أفنيته
الحياة سباق ومش هتستناك .. في الوقت اللي أنت مكسل فيه غيرك حارب ووصل لحلمه
