!لو الإنجليزي بيسببلك مشكلة أثناء مذاكرة الكورسات الأونلاين
هنقدملك النهاردة أسهل موقع في التسجيل بيقدم كورسات مجانية باللغة العربية
بنتكلم عن منصة إدراك التابعة لمبادرة الملكة رانيا الأردنية للتعليم
أولًا نظام الكورسات على منصة إدراك
موجود عليها كورسات مجانية في مختلف المجالات مثل اللغة الإنجليزية وتنظيم الوقت والمقابلة الشخصية .. وبيشرحهم مجموعة من أفضل الأساتذة في الوطن العربي
الدراسة بتكون على الإنترنت
الكورسات عبارة عن فيديوهات مدتها قصيرة وباللغة العربية
بيكون في امتحانات أونلاين بدرجات لقياس مدى فهمك للكورس
بعد ما بتذاكر الفيديوهات وتحل الامتحانات وتنجح فيهم بتقدر تحصل على شهادة مجانية تشجيعية بتظهرلك على الموقع
ثانيًا طريقة التسجيل على منصة إدراك
ادخل على موقع إدراك من هنا
لو عندك أكونت على الموقع من الأول .. اضغط على كلمة دخول وتكتب إيميلك والباسورد
لو أول مرة تعمل أكونت.. اضغط على كلمة التسجيل
هيظهرلك صفحة مطلوب تملء البيانات اللي فيها
هتوصلك رسالة فيها لينك تفعيل حسابك على الإيميل اللي سجلت بيه على الموقع
ثالثًا تقسيم الكورسات على منصة إدراك
اضغط على قسم التعليم المستمر.. وهتلاقيه منقسم لـ 5 أجزاء
الكل.. وهي جميع الكورسات الأونلاين الموجودة على المنصة
الحالية.. الكورسات المفتوحة في الوقت الحالي، تقدر تسجل فيها من اختيار سجل الآن في صفحة الكورس
القادمة.. الكورسات اللي لسة هتشتغل على الموقع، وتقدر تسجل فيها من اختيار سجل الآن في صفحة الكورس
المنتهية.. كورسات انتهت على المنصة، ولو محتاج كورس منهم، ممكن تضغط عليه، وتختار أعلمني علشان أما يتعاد تاني يبلغوك على الإيميل
الدائمة.. وهي كورسات متاح ليك التسجيل فيها في أي وقت، ومجرد ما تنتهي من مذاكرتها هتحصل على شهادة فورًا
ودلوقتي ادخل على الموقع وقولنا هتبدأ بمذاكرة أي كورس منهم، ومتنساش تورينا شهادته أما تخلص
