أحب أقولك خبر حلو .. كونك مصري ومعاك بطاقة شخصية ده هيفتحلك كنز من المعرفة
موقع بنك المعرفة المصري فخر الصناعة المصرية وأحد الإنجازات المصرية الحديثة اللي مش واخدة حقها
يمكن ناس كتير سمعت عنه لكن أخدت انطباع أولي إنه هيكون موقع فاشل وغير احترافي، لكن الواقع عكس كدا تمامًا
الموقع ده عليه كنز لا يقدر بثمن من الكتب والأبحاث والرسائل العلمية والأدبية ورسائل الماجستير والدكتوراة باللغة العربية والإنجليزية اللي تعتبر مرجع ثري جدًا لكل مصري
بمجرد ما تسجل عليه برقمك القومي وده مش هياخد منك دقايق هيكون متاح معاك كل المحتوى العلمي الخاص بـ
Elsevierو IEEEو Encyclopedia Britannicaو Discovery channelو National Geographicو Cambridgeو Oxford
وكل ده مجانًا من غير ما تدفع ولا مليم
لينك موقع بنك المعرفة المصري
الموقع ده حل لمشكلة الكثير من الباحثين والطلبة والدكاترة اللي بيبذلوا مجهود خرافي علشان يلاقوا مصادر موثوقة منها لشغلهم
وتقدر بنفسك تجرب الموقع ده وأنت قاعد في بيتك من غير أي مجهود
