الرئيسية / المقالات /
17769 مشاهدة08 فبراير 2019

ادرس ريادة الأعمال من جامعة ستانفورد مجانًا - STJEGYPT

ادرس ريادة الأعمال من جامعة ستانفورد مجانًا - STJEGYPT


للأسف ريادة الأعمال أصبحت موضة، وانتشرت بشكل كبير جدًا الفترة اللي فاتت لدرجة إنها أصبحت للبعض مهنة من لا مهنة له، لاعتقادهم إن الموضوع بيجيب ثروة بدون مجهود



وبنلاقي ناس مش دارسة ريادة أعمال أصلًا وبتقرر فجأة إنها تفتح شركة ناشئة



وده اللي جعل أكثر من 80% من الشركات الناشئة بتفشل من قبل ما تبدأ



علشان كدا قررنا نقدملكم كورس هيكون النقلة الحقيقة لكل شاب بيحلم يكون رائد أعمال





How to start a startup بعنوان



وهو عبارة عن 20 محاضرة مقدمين من جامعة ستانفورد .. ومجاني تمامًا .. والشرح مترجم للغة العربية



بيشرح أسس ريادة الأعمال من ناحية السوق وبيجاوبلك على كل الأسئلة اللي ممكن تخطر على بالك من وجهة نظر رواد أعمال ناجحين





 على سبيل المثال .. السؤال الشهير .. إزاي أجيب فكرة مبتكرة لعمل شركة ناشئة وأضمن إنها تكون بنسبة كبيرة ناجحة؟



هما في الكورس بيقولوا إن مش شرط فكرة الشركة الناشئة بتاعتك قائمة على وجود مشكلة وأنت بتحلها



 أغلب الأفكار الناجحة بتيجي من كونك تفكر برة الصندوق .. تفكر في حاجة مش موجودة في مجتمعك وهتفيده لو اتعملت .. وهكذا



 زي فكرة الفيسبوك بالضبط! مين كان يصدق زمان إن هيجي اليوم والعالم كله هيكون موجود في مكان واحد؟





 سؤال تاني .. إيه الصفات اللي المفروض تكون بتميزه عن غيره؟



إجابة الجامعة عن السؤال ده صادمة



بيقولك إن أهم 4 صفات لازم يكونوا فيه هم الفقر والفراغ والجهل والإصرار



ولو عايز تفهم إزاي وليه واشمعنا الأربع صفات دول تحديدًا .. ننصحك بمذاكرة الكورس بنفسك






اللي بيدي المحاضرات دي خبراء وبيقدمولك عصارة تجربتهم .. فـ متكسلش تذاكره لإنه هيكون البداية الحقيقة ليك في مجال ريادة الأعمال

Share

Suggestions

Back to Top