الرئيسية / المقالات /
9307 مشاهدة12 فبراير 2019

بالخطوات العملية.. إزاي تلاقي شغفك؟ - STJEGYPT

بالخطوات العملية.. إزاي تلاقي شغفك؟ - STJEGYPT


كلنا اتسألنا نفسك تطلع إيه لما تكبر واحنا صغيرين



والأغلب مننا كان بيقول نفسي أكون دكتور لكن لما كبرنا واتسألنا نفس السؤال كنا مشتتين واكتشفنا إن اهتمامتنا بتتغير كل سنة





وهنا بتظهر المشكلة وهي إننا بنحب نرسم ونغني وبنحب اللغات ونفسنا ندرس برمجة علشان فلوسها حلوة وهكذا



كل واحد ممكن يلاقي نفسه عنده أكثر من شغف ونفسه يعمل كل حاجة في نفس الوقت بس ولا عارف إزاي يجمع بينهم ولا عارف يختار مجال واحد يركز عليه فبيشتت




 



كام مرة قررت إنك هتركز في حاجة واحدة بس وليكن الإنجليزي وكرست كل وقتك وفلوسك ليه وكنت متحمس للفكرة وفجأة بعد كام أسبوع زهقت فبالتدريج بدأت تقلل من مذاكرته لحد ما وقفته



وبدأت تدرس مجال تاني وليكن البرمجة وقولت هكمل للآخر ونفس المشكلة اتكررت في الأول عندك حماس تكمل وبالتدريج بيقل لحد ما تزهق ومتكملش



ومع تكرار المشكلة دي بتحس إن الغلط فيك وإنك فاشل علشان مش عارف تركز في مجال واحد



 



المبدعة إميلي وابنيك اتكلمت عن النقطة دي على منصة تيد وقالت إنكم طبيعين بل ومبدعين



أيوا في ناس عندهم شغف واحد وحلم بيسعوا لتحقيقه



لكن في ناس تانية متعددة المواهب متقدرش تختار مجال واحد تركز عليه هما عايزين يجربوا كل حاجة



من حقك تكون دكتور وفي نفس الوقت بتحب العزف والتصوير





الحالة اللي بتتكلم عنها اسمها تعدد القدرات الكامنة وهو شخص لديه العديد من الاهتمامات والهوايات وبيكون عنده ثلاثة قوى بتميزه عن أي شخص تاني على وجه الأرض



أولًا تركيب الفكرة



هي الجمع بين مجالين أو أكثر وخلق شيء جديد مشترك بينهم زي مثلًا شخص خريج تربية لكن بيحب مجال العلاقات العامة وجمع بين دراسته في الكلية وشغفه وأصبح محاضر



 



ثانيًا التعلم السريع



أنت شخص عندك القدرة على تجربة كل مجال وجربت احساس الفشل والنجاح وده بيخليك تقدر تبحث وتتعلم أي مجال جديد بسهولة





ثالثًا القدرة على التكيف



تقدر تكون مهندس وفي نفس الوقت مصمم أزياء أنت وُلدت لتكون هذا الشخص اللي بيتكيف مع كل الظروف 



 سواء كنت شخص عارف عايز تبقى إيه وبتشتغل على ده أو شخص متعدد القدرات والمواهب فـ أنت طبيعي بس الفكرة إنك تعرف إزاي تتعامل مع نفسك وقدراتك وتتقبلها 



العالم بحاجة لذوى القدرات الكامنة بقدر احتياجه للمتخصصين فلا تقتلوا إبداعهم

Share

Suggestions

Back to Top