التعلم الذاتي دلوقتي أثبت وجوده وبجدارة وأصبح هو المستقبل اللي بتدرس فيه أي مجال في أي وقت ومن أي مكان ومجانًا .. يعني مفيش تنسيق هيحددلك تدرس إيه ولا هتدفع مبالغ خيالية في الكورسات
ومع تزايد أهمية التعلم الذاتي أصبح موجود المئات من مواقع الكورسات الأونلاين في مختلف المجالات
لكن قليل أما بنلاقي موقع مهتم أوي بالدراسة الأكاديمية وموجود في كورسات عن الرياضيات والفيزياء والأحياء والكيمياء والحاسب والفنون والتاريخ في وقت واحد
وبعد بحث مكثف وطويل علشان نحقق المعادلة الصعبة إن يكون كورس كويس - أونلاين - مجاني - وأكاديمي
اكتشفنا موقع أكثر من ممتاز وعلى قدر عالي من الحرفية .. مؤسسه العبقري الشهير سلمان خان
أكيد في جزء كبير منكم سمع عن سلمان خان وموقعه الشهير للكورسات الأونلاين خان أكاديمي
هي منظمة غير ربحية تهدف لنشر العلم الأكاديمي بمختلف اللغات ومنهم اللغة العربية للجميع مستخدمة أساليب تعليمية تُعد الأكثر تطوراً
هنستعرض معاكم نبذة عن الكورسات اللي بيقدمها موقع خان أكاديمي
أولًا مجال الرياضيات
بيحتوي على عشرات الدروس التحضيرية لاختبار السات وعلم المثلثات وعلم الإحصاء والتفاضل والتكامل
ثانيًا علوم الحاسب
يوجد به مجموعة من الفيديوهات التعليمية حول علوم الحاسوب ومفاهيم البرمجة
ثالثًا علم الكيمياء
به مجموعة من الفيديوهات التي تشرح التفاعلات والروابط والمركبات الكيميائية
رابعًا علم الفيزياء
به العديد من الدروس المتنوعة عن الفيزياء الميكانيكية وعلم الموجات والبصريات
خامسًا أساسيات الهندسة
بالإضافة إلى دروس عن التاريخ والفن والاقتصاد وغيرها
والجميل إن مختلف الدروس في جميع المجالات مقدمة على شكل فيديوهات وسبورة تفاعلية ومناسب لكل الأعمار
النسخة العربية للموقع
النسخة الأجنبية للموقع
سواء كنت مدرس أو محاضر أو طالب أو ولي أمر تقدر تختار المجالات والكورسات المناسبة لمجالك ولسنك .. وكلها متوفرة بشكل مجاني تمامًا وأونلاين
