AD1
الرئيسية / المقالات /
6857 مشاهدة19 أكتوبر 2019

دروس لتعلم اللغة الإنجليزية zAmerican English مجانا - STJEGYPT

دروس لتعلم اللغة الإنجليزية zAmerican English مجانا - STJEGYPT

ده مدرس مصري اسمه إبراهيم عادل، بيقدم دروس مجانية لتعلم اللغة الإنجليزية على قناة اسمها zAmerican English
قدر يوصل لمليون مشترك في 9 شهور وده رقم قياسي على مستوى العالم في القنوات التعليمية على اليوتيوب
أنا عارف إنك زهقت من كتر القنوات الكتيرة اللي بتعلم إنجليزي، وإنك بتبدأ بعزيمة وبعدين تسيبها وتدور على قناة تاني
لكن القناة دي مختلفة عن أي قناة قابلتك قبل كده
ركز معايا 5 دقايق بس وبعدها مش هتحتاج حاجة تاني في الإنجليزي بإذن الله
.
مستر إبراهيم عادل عامل القناة مستويات بداية من الصفر، أول مستوى خالص هتلاقيه فيه كورسات للمحادثة وللسماع وللقواعد وللكتابة، مغطيين أهم النقاط في اللغة الإنجليزية، ادخل على أي مستوى فيهم وخد حلقة واحدة في اليوم، مدتها 10 دقايق في المتوسط، ممكن تسمعها في أي وقت.
وممكن تنقل من كورس لكورس ما دمت في نفس المستوى. يعني فرضًا بدأت بالحلقة الأولى في كورس السماع، ممكن بكرة تاخد الحلقة الأولى في كورس المحادثة، وبعده تاخد الحلقة الأولى في كورس الكتابة، وهكذا
طالما كلهم في المستوى الأول
وبعد ما تخلص كل الكورسات اللي في المستوى الأول ممكن تنقل على المستوى التاني بنفس النظام، بحيث متخلصش المستوى الأول إلا وأنت متقن المحادثة والسماع والكتابة والقراءة اللي فيه
أسلوب إبراهيم عادل بسيط جدًا لكنه مباشر وبيخش في المفيد علطول، ومنظم، هتلاقي قوائم التشغيل في القناة عليها كل الكورسات مترتبة من الأول للآخر



ومهما كان مستواك في الإنجليزي وعن تجربة القناة دي هتعرفك حجات مكنتش تعرفها قبل كده
وفي تطبيق ليها على الأندرويد بنفس الاسم Zamerican English هتلاقي عليه كل الدروس واختبار بعد كل مستوى (وده لازم بوست لوحده ).
.
في الآخر هتفق معاك اتفاق، ابدأ في القناة دي من النهاردة وأنت قاعد في البيت وبعد 3 شهور من دلوقتي (مش 6 كمان) ، أنا واثق إن كل حاجة هتكون اتغيرت.
.
القناة العربي وصلت للمليون التاني في 5 شهور يعني نص الوقت بتاع المليون الأول، ودلوقتي تخطت 2.2 مليون مشترك ومجموع مشاهدات 87 مليون مشاهدة، وفي أقل من سنة ونص، والسبب إن مفيش أي قناة أجنبية بتعمل الشغل اللي الراجل ده بيعمله بالطريقة دي وبيقدمه مجانًا لكل الناس


1- ده لينك القناة أول ما تفتحه هتلاقي ترتيب الدروس وإزاي تبدأ معاه:


من هنا


2- وده لينك التطبيق


من هنا


zAmerican English


Share

Suggestions

AD1

Back to Top