AD1
الرئيسية / المقالات /
4788 مشاهدة09 ديسمبر 2016

Nada Chatila - ندى شاتيلا - STJEGYPT

Nada Chatila - ندى شاتيلا - STJEGYPT


القصة من على قلب ستيدج TEDx .. وبنت جاية كالعادة والغرض من الستيدج ده تلهم الناس وتديهم أمل عشان حياتهم تبقى أحلى ..

وهى عندها 24 سنة واجهت مشكلة بتلفت نظر كل البنات اللى بيحبوا يكون شكلهم حلو .. المشكلة كانت ان الجينز بتاع ندى مكانش بيقفل عليها وكان فى تغيّر ملحوظ فى وزنها بدون سابق انذار .. من دكتور للتانى ومن تشخيص للتانى محدش عارف السبب لحد ما عملت فحص شامل وعرفت ان عندها لوكيميا (سرطان دم) !!!

هنا وكأى انسان عادى بدأت الصدمة والاعتراض على المرض وتكرار كلمة (اشمعنا أنا) .. وبدأت رحلة العلاج من السرطان المؤلمة جدااا واللى كانت معتمدة على أدوية ليها آثار جانبية دمرت ندى .. ومن أكبر العلامات فى المؤلمة فى حياتها هى حقنة النخاع اللى كانت بتاخدها كل 3 شهور لأن ألمها كان غير محتمل ..

وسط كل التخبيط والد ندى مات ! واتكسر قلبها على أكتر شخصية بتحبها فى الدنيا، حست لأول مرة انها لوحدها وضعيفة، بس وسط الضلمة ساعات بيظر بعض النور ، ندى قلبها دقّ وحالتها اتحسنت بعد ما ظهر حب حياتها ، حبت وارتبطت واتجوزت ، حلم جميل استمر سنة ونص وبعدها ندى اتطلقت !

رجعت تانى حالة الاعتراض على المرض وتكرار جملة (اشمعنا أنا) .. لحد ما ندى قررت انها تعيش حياتها وتنسى المرض اللى بيهاجمها لأن الحياة فيها حاجات تستحق تتعاش ، وفى نفس اليوم الدكتور قالها ان العلاج القديم بتاعها المفعول بتاعه وقف وان فى علاج جديد بس مش معتمد دوليا ولو أخدته مش ضامنين نتيجته تحكون ايه وهيكون على مسئوليتها الشخصية ..

وافقت ندى تاخد المغامرة وتتعالج بالدوا، وافقت تكون فار تجارب للدوا الجديد ومضت التعهد ان النتيجة على مسئوليتها الشخصية !! والفار بدأ يتحسن وندى وصلت نسبة شفاء 95% من السرطان اللى كان منتشر فى دمّها ^_^ !!

صحيح ندى شاتيلا عاشت 10 سنين من أصعب السنين اللى عاشتها فى حياتها .. وصحيح الدنيا كانت متطربقة بمعنى الكلمة فوق راسها واتحملت اللى الجبل ميقدرش يتحمله .. لكنها ضربت مثال للصمود والنجاح ...

النجاح مش انك تاخد وظيفة ولا جايزة ولا تكون غنى ، النجاح انك تكسر ضعف جواك وتقدر تكون أقوى :))

Nada Chatila

ندى شاتيلا


Share

Suggestions

AD1

Back to Top