AD1
الرئيسية / المقالات /
3976 مشاهدة09 ديسمبر 2016

كاميرا ممكن تتلف عشان تصور الصورة ب 360 درجة - STJEGYPT

كاميرا ممكن تتلف عشان تصور الصورة ب 360 درجة - STJEGYPT


لسة التكنولوجيا عمالة بتبهرنا و كل يوم تيجي حاجة جديدة احسن من اللي قبلها ^_^

النهاردة هنتكلم عن اختراع مهم جدا و الي حد ما حاجة خيالية
الاختراع دا عبارة عن كاميرا بس مش كاميرا زي اللي احنا بنشوفها دي لا دي ممكن تتلف عشان تصور الصورة ب 360 درجة :]

دا اللي هو ازاي ؟
الكاميرا دي دي عاملة زي ورقة مسطحة كدا و رقيقة و مرنة جدا بحيث انك ممكن تلفها او تتنيها و تصور بيها الصورة من زوايا مختلفة في نفس الوقت و ممكن تشوف فيديوهات ال 360 درجة دي علي اليوتيوب الفيديو بيبقي شغال و انت بتحرك الصورة بالماوس و تشوف نفس اللقطة من كذا اتجاه ف وقت واحد و الكاميرا دي الفرق بينها و بين الكاميرا العادية هو ان الكاميرا العادية بتلقط الصورة من نقطة واحدة ف الفضاء لكن الكاميرا دي عبارة عن شبكة مسطحة من كاميرات كتير و صغيرة جدا زي عين الحشرة كدا
بس المشكلة ان الكاميرا دي لسة منزلتش دلوقتي و ٍShree Nayar هو و فريقه Daniel Sims و Yonghao Yue و دول دكاترة في جامعة كولومبيا لسة شغالين عليها و هم عندهم مشكلة دلوقتي انك ممكن لما تتني الكاميرا عشان تصور حاجة معينة ممكن تغطي علي جزء تاني من الكاميرات الصغيرة اللي موجودة جوا و بالتالي الصورة هيبقي فيها شوية حاجات مش واضحة بس هم بيدورو علي حل للمشكلة دي دلوقتي و دكتور Nayar و فريقه هيكونو موجودين في
Northwestern University in Evanston, Illinois
يوم 14 مايو عشان يعلنو عن الكاميرا دي :D

و احنا اللي كان اخرنا نزود ال zoom :D

ناس عاوزة تعمل من الخيال حقيقة

Camera

Technology


Share

Suggestions

AD1

Back to Top