أخلاقه العالية كانت فى نظر الناس سبب كافى انه ميلعبش لعبة قتالية زى الجودو !
محمد رشوان اتولد فى اسكندرية فى 16 يناير 1956، وكانت بدايته فى لعب كرة السلة ، لكنه فى مرة شاف صديق له بيلعب الجودو واقتنع باللعبة ةبدأ فى التدريب ..
كان دايما رأى الخبراء ان محمد هيفشل فى الجودو لأنه لاعب خلوق وهادئ هدوء زايد والجودو لعبة قتالية تحتاج لبعض من الشراسة .. لكن موهبة محمد فى اللعبة أثبتت العكس، فكان هو اللاعب الـ 16 فى تارخ مصر اللى يكسب ميدالية أولمبية !
بدأ برعايته الكابتن عبدالمنعم الوحش من ساعة ما كان عنده 16 سنة ، وموهبته لفتت نظر الخبير اليابانى "ياماموت" فجاله مصر عشان يجهزه للفوز بالبطولات العالمية والألمبية ..
والميداليات أخد الميدالية البرونزية في بطولات العالم العسكرية في "كلورادو" ، وأخد البرونزية برضه فى البرازيل سنة 1982 ، وأخد الميدالية الدهبية مرتين فى بطولة أفريقيا للوزن الثقيل والمفتوح ..
لكن أشهر الأحداث فى حياة محمد رشوان كان لما اتأهل للعب قصاد اليابان مع أبطال العالم، وكانت كل الترشيحات بتقول انه هيكسب الميدالية الذهبية، لكن اللاعب اليابانى اللى كان قصاده «ياسوهيرو ياماشيتا» جاتله إصابه قبل المباراة، فكان محمد رافض انه يستغل مرض اللاعب عشان يكسب، وكان طول المباراة رافض يضربه خصوصا مكان الإصابه ..
بعد نهاية المباراة اليونسكو منحت محمد رشوان جايزة اللعب النظيف وجايزة أحسن خلق رياضى .. واستدعاه الشعب اليابانى عشان التكريم وكان متوقع يكون فى قاعات لكن اتفاجئ بالشعب كله بيحتفل بيه فى الشوارع :))
محمد رشوان خلّد اسمه باللعب النظيف وبجايزة محمد رشوان اللى بتمنح للاعبين أصحاب الخلق العالى .. وده أكبر دليل ان الخلق مش عائق فى الرياضة وهو حاليا عضو للتحكيم الدولى فى لعبة الجودو زى ما ظاهر فى الصورة ..
