AD1
الرئيسية / المقالات /
4473 مشاهدة20 ديسمبر 2016

المبدع المهندس عبد الرحمن مخلوف - STJEGYPT

المبدع المهندس عبد الرحمن مخلوف - STJEGYPT


الراجل ده بين كل التفاصيل والتجاعيد اللى فى وشّه عظمة وانجازات مش كل الناس قدرت تقدّرها وتعرفها .. لأنه عمل ثورة فى التخطيط العمرانى على مستوى الدول ..
عبد الرحمن مخلوف من مواليد سنة 1924 ، وأبوه هو مفتى الجمهورية الأسبق "حسنين مخلوف" .. دخل هندسة عمارة فى جامعة القاهرة واتخرج منها بتفوّق، وده خلاه يتعيّن معيد فى الكلية بعد التخرج، واتعين دكتور فيها بعد ما أخد الدكتوراه فى مجاله من جامعة ميونخ ..
المهندس عبدالرحمن تم ترشيحه للعمل فى الأمم المتحدة كخبير للتخطيط العمرانى، وفى سنة 1959 المملكة العربية السعودية طلبت من الأمم المتحدة خبير تخطيط عمرانى عشان يعيد تخطيط المدينة المنورة ومكة وجدة وينبع، وخلال 5 سنين أنجز المهمة ورجع مصر بعد ما عمل من السعودية قطعة من الجنة 
بعد السعودية رجع المنهدس عبدالرحمن لمصر واتعين مدير عام لإداره التخطيط العمرانى للقاهره الكبرى، وكان هو صاحب فكرة اعداد الطريق الدائرى ومنطقه شبرا الخيمة الصناعية والمنطقة الحرة فى بورسعيد و مدينة العبور والعريش الجديدة كمان ..
وفى سنة 1968 بعتته الأمم المتحدة لأبوظبى عشان يشتغل على التخطيط العمرانى هناك، وبعد ما انتهى من التخطيط فى الأمارة تم انتدابه أستاذ محاضر لمادة التخطيط فى كلية الهندسة فى جامعة الإمارات
الراجل الطيب ده كان سر سير الحياة فى أكتر من دولة ، قدر ينجح رغم انه متعلم تعليم مصرى زى أى طالب، هو حد يستحق لقب المبدع
لسه شايف انك مش هتقدر تنجح طول ما أنت مصرى ؟

عبد الرحمن مخلوف


Share

Suggestions

AD1

Back to Top