AD1
الرئيسية / المقالات /
4410 مشاهدة21 ديسمبر 2016

هيثم الدسوقى - STJEGYPT

هيثم الدسوقى - STJEGYPT


عمرك فكرت فى اليوم اللى هتصحى من النوم تتحكم فى اضاءة أوضتك بانك تلمس الجدران ؟ أو فكرت لما تدخل مطعم وتمسك الـ menu تضغط على اللى اختارته من غير ما تنادى على الجارسون ؟ أو حتى ان الأعمى يمسك نفس الكتاب اللى بتمسكه ويسمع اللى مكتوب من غير ما يحتاج طريقة برايل ؟!
اليوم اللى هيحصل فيه كل ده مش بعيد لأن اختراع هيثم حوّل كل ده ممكن !
هيثم الدسوقى مواليد 3 مارس 1986 ومن صغره بيحب أفلام الكرتون والخيال العلمى عشان مفيهاش مستحيل والانسان بيكون عنده قوة خارقة، دخل كلية هندسة الاتصالات والإلكترونيات بجامعة الأزهر واتخرج منها 
أول اختراع فكر فيه هيثم كان جهاز لقياس نبض القلب ، لكن الفكرة اللى آمن بيها وقدرت تكون عالمية فعلا كانت الفكرة اللى شارك وفاز بيها فى مسابقة نجوم العلوم .. فكرة الاختراع هى لاصقات بنحطّها على الأسطح العادية زى الترابيزات والكتب والحيطان وبتقدر تحوّلها لشاشات لمس (Touch Screens) .. ده غير انها مش بتتأثر بالمية ، فبكده الاختراع قادر يخليك تتحكم فى اى حاجة حواليك باللمس وبتكلفة قليلة جدااا
هيثم دخل ضمن أكتر من 700 ألف متسابق فى التصفيات المبدئية لبرنامج نجوم العلوم ، وتصفية ورا تصفية قدر خلال 7 أسابيع ياخد اللقب كأفضل اختراع عربى للموسم بتاعه من برنامج نجوم العلوم
هيثم لو كان قال ايه الجنان اللى أنا بعمله ده ! ومكملش فى الفكرة مكانش هيكون صاحب الفكرة مصرى عربى .. هو قدر يحفر اسمه وسط ناس عظيمة .. أنت ايه أخبار فكرتك المجنونة ؟

هيثم الدسوقي


Share

Suggestions

AD1

Back to Top