هنحكيلكم النهاردة عن قصه نجاح جديدة ... بس قبل منبدأ محتاجين نعرفكم نقولكم ان مفيش شركة عالميه بدأت كبيرة ... فى شركات فى بدايتها محدش توقعلها النجاح اصلا .. زي شركة Oracle
شركة اوريكال النهاردة هي افضل شركة لأدارة قواعد البيانات فى العالم وبيقدر قيمتها بـ 185 مليار دولار وفيها اكتر من 40 الف موظف حول العالم .
وكل النجاح والارقام دي بتنسب لشخص اسمه " لاري إليسون " .. اتولد لاري في نيويورك سنة 1944، عاش طفولته في بيت عمة ، ولما كبر ودخل الجامعه حصل على افضل طالب في كليه علوم في اول سنة، وفي السنة التانية توفيت والدته ومن كتر حزنه عليها اتطرد من الجامعة، قال بعدها يدخل جامعة شيكاغو بس بردو اتطرد منها :D
.
بعد كدا راح كاليفورنيا المعروفة بمدينة الفرص والنجاحات واستمر لمدة 10 سنين يشتغل اكتر من شغلانه في مجال البرمجيات وده اللى خلاه ياخد خبرة في العمل كمبرمج .
فى الوقت دا قرر اليسون انه يفتح شركة لتطوير البرمجيات مع 2 صحابه، وبعدها بفترة صغيرة أسس شركة لإدارة قواعد البيانات سماها “أوراكل” وكان فيها 10 موظفين بس .
كبرت الشركة شوية وبعدها شركة IBM عملت معاهم عقد بيسمح لها باستخدام نظام أوراكل لإدارة قواعد البيانات، وده ضاعف ارباح شركة اوراكل لمدة 7 سنين وبعدها حصل مشاكل فى بداية التسعينات ولكن بفضل ادارة واستراتيجية لاري اليسون قدر انها تتفوق علي جميع المنافسين فى مجال ادارة قواعد البيانات لتصبح الان أكبر شركة فى مجالها ويكون فيها اكتر من 40 الف موظف وتوصل قيمتها ل185 مليار دولار .
قدر لاري إليسون انه يحول الفشل لنجاح.. فضل مؤمن بنفسه وبقدراته في انه يحقق هدفه .. برغم ان مجتمعه وقتها كان محبط .. ومحدش كان متوقعله النجاح .. بس هو وصل .
انت كمان علي فكرة تقدر توصل وتنجح .. بس صدق وأمن بنفسك
