الرئيسية / المقالات /
6534 مشاهدة27 ديسمبر 2016

هو إيه الفرق ما بين الويب و مابين الإنترنت - STJEGYPT

هو إيه الفرق ما بين الويب و مابين الإنترنت - STJEGYPT



بما إننا كلنا بنستخدم الإنترنت بقى
فى سؤال كدا فى يوم من الأيام جيه على بالى
هو إيه الفرق ما بين الويب و مابين الإنترنت
What is the difference between web and internet

إنت لو جيه على بالك السؤال دا قبل كدا يبقى إنت من الأحرار يا على

أنا هقولك إيه الفرق :
الإنترنت فى علاقة ما بينه وبين الويب
العلاقة دى علاقة الكلية بالجزئية
بمعنى إن الإنترنت حاجة كبيرة جداً
أما الويب دا جزء صغير من الحاجة الكبيرة دى

لو مفهمتش مش مشكلة أبسطهالك
يعنى لو الإنترنت دا مطعم
يبقى الويب هو الطبق الأكثر شعبية فى المطعم دا

أبسطهالك تانى
لو الإنترنت هو طبق الكشرى
يبقى الويب هو المعلقة

بتهيألى كدا إنت فهمت بقى

نشرح بقى الفرق بالتفصيل

الإنترنت دا مجموعة كبيرة من أجهزة الكمبيوتر و الكابلات
طب جيه منين الإسم دا Internet
هقولك إن دا جه م الإسم دا
interconnection of computer networks
هو مجموعة كبيرة جداً من أجهزة أشخاص كتييير جداً متوصلة ببعض زى الطرق الرئيسية و الفرعية كدا
و لحسن الحظ مفيش شخص واحد فى العالم كله يقدر يقول
إنه يمتلك شبكة الإنترنت إلا كان يبقى مفروض علينا ندفعله فلوس علشان نبحث عن حاجة

طب نيجى بقى للويب Web

الويب بقى دا راجل غلبان بقى
هوا مجموعة من صفحات ال HTML
شبكة الويب دى بقى مجموعة كبير جدا من الصفحات الرقمية
بنلاقى فيها إن المحتوى بيبقى معروض على شكل صفحات HTML
و علشان مطولش عليكم
عايز أقول إن عدد صفحات الويب دى حوالى 65 بليون صفحة ويب
و إنت لما بتعمل عملية البحث فى جوجل أو أى حتة
بيجيبلك نتائج البحث فى الويب
علشان كدا بتلاقى كلمة ويب ف البحث مش كلمة إنترنت

Share

Suggestions

Back to Top