الرئيسية / المقالات /
8814 مشاهدة27 ديسمبر 2016

10 حقايق عن Apple غالبا هاتكون مش عارفهم وهايعجبوك - STJEGYPT

10 حقايق عن Apple غالبا هاتكون مش عارفهم وهايعجبوك - STJEGYPT



1- فى تلاتة مؤسسين لـApple
التلاتة دول Ronald Wyane و Steve Woziniak و Steve Jobs
بعد اسبوعين من تأسيس الشركة Wayne خرج من الشركة و اخد نسبة ال10% بتاعته وكانت ساعتها بتساوي 800$
لو Wayne كان كمل لحد 2015 ال10% نسبته كانت هاتساوي 60 بليون دولار!!
2- كل اعلانات Apple لمنتجاتها الساعة بتظهر فيها 09:41
لأن فى الوقت دا يوم 9 يناير 2007
أُعلِن صدور iPhone للجمهور
3- ستيف جوبز كان عايز يبقى فى جرافيكس مميزة فى ماكينتوش
وظف مهندس اسمه Bill Atkinson عشان يعمله Algorithm ترسم اشكال دائرية
بعد ماعمل الخوارزمية دي وكانت بترسم دوائر واشكال بيضاوية ستيف جوبز مكانش راضي عن النتايج وخلاه يعمل المستطيلات اللي بزوايا دائرية والنهاردة تقريبا معظم الinterfaces معتمدة على الشكل دا ابسطها شكل الWindow
4- فى Apple Fans مهوسيين جدا بمنتجات آبل لدرجة ان فى شخص قعد قدام Apple Store عشان خاطر يشتري اول iPhone 6 مش مشكلة, المشكلة انه قعد قدام الstore قبل مايتم الاعلان عن iphone 6 اصلا بـ7 شهور و يأس و مشى بعدها بشهر.
5- فى الـlicense Agreement بتاعة الiTunes مكتوب انك بتتعهد بعدم استخدام المنتج دا بما يتعارض مع قوانين الولايات المتحدة او استخدامه فى اسلحة نووية او بيولوجية او كيميائية :D
غريبة!!
6- اللوجو بتاع Apple كانت بتحطه على اللابتوبات بحيث انه لما يكون مقفول يبقى عدل و لما يتفتح يبقى مقلوب و دا كان مش عاجب المستهلك
المهم ان Apple كانت مش عايزة تغيرة وتقلبه لأنها كانت شايفة انها لو عملت كدا الناس هاتحاول تفتح اللابتوب من الناحية الغلط.
7- Apple حاولت تدخل عالم الGaming مع منافسين كبار جدا زي الPlay station
وانتجت جهاز اسمه Apple Pippin واتباع فى امريكا واليابان فى 1995 وفشل فشل ذريع باع 42.000 نسخة بس لأنه كان سعره 600 دولار ودا كان غالي جدا ساعتها.
8- فى اقاويل كتير بتثار حول لوجو ابل والفكرة منه و فى رأي بيقول انها بترمز للتفاحة المحرمة اللي أكل منها سيدنا آدم وفى رأي تاني للتفاحة اللي وقعت على نيوتن.
لكن كل الموضوع ان ستيف جوبز و وزينياك اختاروا اسم Apple عشان يبقى بسيط للشخص العادي و فعلا كان فى لوجو قديم لآبل عليه نيوتن والشجرة والتفاحة لكنه كان غير واضح فى الطباعات الصغيرة فقرروا يغيروه و بقى الموجود دلوقتي والقطمة اللي موجودة فى اللوجو عشان تفرقه عن حبة الكرز مش أكتر مش عشان الفترة اللي ستيف جوبز ساب فيها ابل!
9- كل شئ بتقوله لـSiri على الـiphone بيتسجل و بيتحفظ عند Apple لمدة سنتين و الداتا دي بتتدرس عندهم.
10- فى 1987 آبل عملت فيديو فى حاجة اسمها knowledge Navigator فكرته زي Siri بالظبط و فى الاعلان كانوا مستخدمين نفس تكنولوجيا الـtouch Screen الموجودة فى الIphones دلوقتي, كل دا مش غريب.
الغريب انه التاريخ الظاهر على الشاشة 16سبتمبر 2011
خدمة Siri صدرت فى اكتوبر 2011.. فرق شهر بالظبط عن الميعاد اللي فى الفيديو اللي معمول من 1987.
قولوا لنا كام حقيقة من الـ10 ماكنتوش تعرفوها؟ 

نقلا عن Kaizen Egypt

Share

Suggestions

Back to Top