AD1
الرئيسية / المقالات /
10281 مشاهدة27 ديسمبر 2016

جربت تذاكر صح !! - STJEGYPT

جربت تذاكر صح !! - STJEGYPT


لما سألنا الناس عاوزين تعرفو عن إبه أكتر وديناهم الإختيار بين ( إزاي تكتشف موهبتك / إزاي تذاكر صح ) الناس اختارت ازاي تذاكر صح ؟؟؟

ازاي نذاكر صح ؟؟ و ايه الفرق بين المذاكرة العادية و المذاكرة صح ؟؟

-- الفرق كتيير .. لأنك لو ذاكرت صح , نسبة انك تنسي بتكون قليلة جداً .. و وقت مذاكرتك بيقل .. طيب ده يحصل ازاي بقي ؟؟

اولاً : لازم تشوف المُذاكرة بشكل مختلف ( المٌذاكرة مش يعني حفظ و تسمييع ! المُذاكرة يعني فهم حقائق , فهم معلومات .. فهم حاجه اكييد هتنفعني ف يوم .. و ان منفعتنيش ف الحياة العملية ف اكييد هتفدني ف حياتي الشخصية و زيادة مستوي ذكائي )

ثانياً : خلي المذاكرة شئ ممتع ( يعني لو احنا عندنا الدراسة عبارة عن " رغي ف كُتب " غير انت المنطق دة .. عندك الانترنت .. تقدر تعمل search فيه علي كُل موضوع ف مذاكرتك .. هتلاقي ابحاث و فيديوهات و امثلة و تجارب و 100 حاجه ممتعة عن الموضوع ده )

ثالثاً : نظم وقتك ( مفيش حاجه اسمها افضل 6 ساعات بذاكر !! اصلاً قدرة عقلك متستحملش دة ! ف مثلاً بما اننا ف اول الاسبوع و في بعض الناس عندها امتحانات بعد اسبوع .. ابدأ حط خطة من دلوقتي .. هتذاكر ايه يوم ايه لمدة قد ايه و ال Break هيكون قد ايه و هتتأكد انك فهمت ازاي و هتراجع المُراجعة الاخيرة ازاي .. و هكذا )

رابعاً : ذاكر بس لمدة 50 دقيقة و خد Break لمدة 10 دقائق .. لأنك لو طولت عن كدة المعلومات هتبدأ تطير (50 دقيقة مذاكرة + 10 دقائق راحة) و كرر المعادلة دي لغاية ما تخلص الجزء الي وراك .

خامساً : الشقة كُلها بتاعتكم ! مش لاقي غير السريير الي تذاكر عليية !!! السرير دة اكتر حاجه هتفصلك عن التركييز .. حاول دائماً تدور علي مكان مريح بس مش للنوم و تكون الاضاءة فيه كويسة .

سادساً : اكتب كل الحاجات الي شاغلة دماغك ف ورقة .. بجد .. كُل حاجة كُل حاجه .. بعد كدة قطع الورقة دي و ارميها .. التجربة دي اثبتت ان الحاجات دي نسبة انها تيجي ف دماغك تاني بتقل .

سابعاً : ابدأ دايماً اعمل Notes فيها اهم المعلومات الي وصلتلك ( و الي ف الاغلب بتيجي ف الامتحان )

ثامناً : ابدأ باكتر حاجات مهمة وانت عارف انها مهمة قبل ما تستهلك طاقتك الذهنية و البدنية

تاسعاً : اربط المعلومات الي ف الموضوع الواحد ببعضها .

عاشراً : قوم نام بقي ... لأ منقصدش دلوقتي نقصد نام كفاية و بالذات ف الايام بتاعت الامتحانات دي عشان تدخر اكبر قدر ممكن من تركيزك و نشاطك .

مذاكرة

امتحانات


Share

Suggestions

AD1

Back to Top