كتير منكم يعرف شركة كوداك بتاعة الكاميرات والافلام الكاميرة القديمة وتحميض الافلام كانت شركة رائدة لمدة تزيد عن 100 سنة وطبعا اشهرت افلاسها بعد ما فضلت على نفس فكرها والنمطية اللي هي فيها وعدم التغيير مع الواقع الجديد والتطوير من منتجاتها وده كان بعد سنة 2007 بعد ما توقف الدخل تماما
وطبعا الاسباب كانت واضحة انها وقفت مكانها وماطورتش من نفسها وفضلت عند صناعة الكاميرات اللي بفيلم وصناعة وتحميض الافلام الخاصة بالكاميرات ورفضت تصدق ان الدنيا بتمشي وان هي بس اللي واقفة
على النقيض بدأت شركة سوني تعلن من التمانينات عن الدخول لعالم الدجيتال في الوقت اللي كانت كودك بتقول ده كلام فارغ وده عمره ما هيحصل ولكنه حصل
شوف دلوقتي فين كوداك وفين سوني
طيب عايزة تقولي اية يعني ؟
عايزة اقولك ان الدنيا بتمشي اسرع مانت متخيل كل يوم في جديد كل لحظة في حدث ممكن يغير العالم الدنيا بتتغير اوعى تقف مكانك
اديلك مثال
الاسبوعين اللي فاتوا دول الناس اللي متابعة في مجال ال #onlinemarketing لقيوا ان في كمية تغيرات وتحديثات حصلت في المجال خزعبلية خلينا نقول عن اهم التغييرات دي اللي قلبت الموازين عند اغلب اللي شغالين في المجال
اولا : طلع علينا جوجل وقالك هنخلي ال https من ال Ranking factors
ممكن تعرف الموضوع كله من هنا
http://www.link-assistant.com/news/https-ranking-signal.htmlبعدها بكام يوم طلع لنا الفيسبوك وقالك انا هغير لي الخوارزميات بتاعتي الخاصة بنشر اللينكات اعرف اكتر عن الموضوع من هنا
http://creativemarketingeg.blogspot.com.eg/2014/08/blog-post_26.html
ماكملناش يومين وطل علينا #instagram وقالك انا كمان هعمل احصائيات اشمعنى انا يعني وتقدر تشوف الموضوع من هنا
http://wearesocialmedia.gr/instagram-releases-analytics-for-brands/ مالحقناش ناخد نفسنا لقينا مارك قرر انه يعمل حاجة اسمها FSO كان
كريم سمارة اتكلم عنها هنا
ويادوب بناخد نفسنا لقينا يوتيوب لغى اداة عنده واستبدلها بأداة تانية خاصة بالبحث عن الكلمات المفتاحية هتلاقيها في Adwords
شوف الموضوع من هنا
http://searchengineland.com/youtube-keyword-tool-sunsets-replaced-adwords-display-planner-tool-202489هاااااااااااااااااااااااااااااااااااااااااااااه اية كمية التحديثات دي وامتى هلحق اتابعها وازاي وامتى وفين وانت عرفتيها ازاي ؟
اقولك في مواقع بتقدر من خلالها تلم الدنيا بس محتاجة منك متابعة هتقولي امتى هقولك خصص ولو ساعة يوميا تتابع فيها الجديد ممكن تشوف الجديد ده من الموقعين دول لو مش هتقدر تتابع مواقع كتير
http://www.socialmediaexaminer.com/.
http://searchengineland.com/او ممكن توفر على نفسك وتتابع القائمة دي كنت عملتها لأهم صفحات الفيسبوك العربي والاجنبي اللي بتتكلم عن ال online marketing
https://www.facebook.com/lists/4882862024889 اخيرا وليس آخراً
سواء كنت شغال في مجال ال #Marketing او الOnline Marketing او اي مجال تاني خاصة في مجال الاونلاين او حتى غيره حاول تطور نفسك بشكل مستمر وتعرف اية الجديد ومين اللي بينافسك في المجال ده واية اللي يميزك ويفرقك عنهم
التطوير والتغيير سنة كونية ماتجيش انت بقى وتقف قدامها لأنها هتدوس عليك وهتبقى جزء من الماضي
خليك جزء من المستقبل وطور نفسك
المقال نقلا عن :
شيرين بدر
