الرئيسية / المقالات /
19706 مشاهدة29 ديسمبر 2016

ايه السر بين فيلم البيه البواب و ريادة الاعمال - مقال مبدع - STJEGYPT

ايه السر بين فيلم البيه البواب و ريادة الاعمال - مقال مبدع - STJEGYPT


الفيلم العبقري (البيه البواب) بيجسد الفرق بين حياة وتفكير الـentrepreneur (عبد السميع البواب) والموظف (فرحات بيه)


1- الـentrepreneur اول ما وصل القاهرة اتنصب عليه (بس مستسلمش ورجع بلدهم ، ده كمل فى القاهرة)

* فرحات بيه كان مستقر فى المصلحة الحكومية وبيقبض كل اول شهر وعربية المصلحة بتوصله كل يوم


2- الـentrepreneur اشتغل بواب وفتح كشك على قصاد باب العمارة (مشروع بتمويل ذاتي فى موقع استراتيجي)

* فرحات بيه واسرته بقوا بيشتروا من كشك عبد السميع الـentrepreneur

3- الـentrepreneur مسابش فرصة انه يشتغل سمسار عقارات وبقى يأجر شقق ويبيع وياخد عمولته مع مرتبه كبواب ودخله من الكشك (مش بيسيب حاجة للظروف ومأمن نفسه ماديا)


* فرحات بيه طلع "معاش" والمصلحة كرمته بتلات شهادات استثمار بقيمة 30 جنيه


4- الـentrepreneur بقى عنده عربية ربع نقل سوزوكى وبقى بيستثمر فلوسه ويكبر البيزنس بتاعه .

* فرحات بيه طلب يشتغل عند عبد السميع لانه محتاج فلوس والمعاش مش مكفيه


5- الـentrepreneur بقى بيبني العمارة بتاعته ويبيع شقق قبل ما تتبني

* فرحات بيه لسه زى ما هو بيشتغل عند عبد السميع

6- الـentrepreneur لما عينه زاغت واتجوز على مراته (اللى وقفت جنبه واستحملته) كان هيروح فيها لان فلوس الناس كانت هتتسرق .

* فرحات بيه رجع تاني عاطل بعد ما مشروع العمارة اتلغى بسبب المشاكل اللى حصلت

7- الـentrepreneur مستسلمش بعد اللى حصل ، ولما جاتله فرصة انه يرجع للسمسرة رجعلها ونزلت كلمة (النهاية) على الفيلم لكن لسه الـentrepreneur بيتشقلب فى البيزنس


* فرحات بيه فى الغالب هيرجع يشتغل تاني عند عبد السميع


الملخص :

الـentrepreneur ميعرفش يعني ايه (يطلع معاش) .. الـentrepreneur مش شرط يكون صاحب بيزنس "يكفيه انه يبقى بيحقق حاجة فى المكان اللى بيشتغل فيه"

الـentrepreneur مش بيعرف يوقف زى ما Ahmed Saif قال فى آخر مقالة له على البلوج  

"الاستقرار" وهم بيتخلقه الشركات اللى عايزة مكن فى صورة بنى آدمين يشتغلوا عشان يقبضوا آخر الشهر مرتب ثابت وخلاص

.. مش بقولك ان (الماديات) شئ ملوش لازمة "ده اسمها سذاجة"


لكن متبقاش الماديات هى اللى تخليك تصحى من 6 الصبح عشان تلحق تمضي قبل ما يتخصم منك نص يوم عشان التأخير

انت محتاج تصحى 4 الصبح عشان تعمل الحاجة اللى بتحبها واللى بتبدع فيها ، واللى بتاخد قصادها مقابل مادي يخليك تعيش كويس

نقلا عن المبدع: أحمد صلاح

Share

Suggestions

Back to Top