AD1
الرئيسية / المقالات /
4611 مشاهدة29 ديسمبر 2016

الناس الي عايزة تشتري من امريكا وتستغل يوم الـ Black Friday و الـ Cyber Monday - STJEGYPT

الناس الي عايزة تشتري من امريكا وتستغل يوم الـ Black Friday و الـ Cyber Monday - STJEGYPT

عشان تعرف تشتري لازم تكون مستعد ومجهز فلوسك في الفيزا

عندك ٣ طرق تستغل بيهم اليوم دة عشان تحقق اقصي استفادة
-
الطريقة الاولي: الشحن الي مصر
لو هنشتري من امازون فا هيبقي عندك حلين لو السلعة فيها شحن مباشر الي مصر امازون هيحسبك علي الشحن والجمرك وتمن السلعة وفي معظم الاحوال الاسعار بتبقي كبيرة
فا هنستخدم شركة اعادة توجيه بتديك عنوان في امريكا او شركة بتشحن عليها الحاجة وهي بتشحنها الي مصر الميزة هنا انها بتجمع كل حاجة في صندوق واحد وتوفر في الوزن

-
في شركة fishisfast انصح بيها بشدة لانها بتشحن عن طريق Aramex وسعر ال 2 كيلو 36 دولار ارخص من shopandship و كمان بتجمع الشحنات كلها في كرتون واحد وتقدر تخليهم يخفضو الوزن باي طريقة ممكن تستغنا عن كرتونة منتج ولو الحاجة مش معها فاتورة تقدر تعدل القيمة هسيب لينك تقدر منه تاخد خصم ٥ دولار علي اول شحنه هتشحنها معاهم

-
في مثلا shopandship ودي باستخدمها في الاوزان الصغيرة ولكن عيبها انك متقدرش تجمع اكتر من شحنه مع بعض يعني لو شاري حاجة من كذا موقع او امازون شحن علي مرتين كل شحنة هتوصل لوحدها
وهتدفع عليها تخليص وشحن لوحدها وكمان متقدرش تعدل قيمة السلعة فبالتالي لوالبياع بعت فاتورة هتجمرك علي ادها ولو مبعتش بيعملو تقيم وانت وحظك يطلع بقيمة كبية او قيمة صغيرة

-
الشركة التانية والي انا بستخدمها حاليا هي Myus شركة كبيرة وعندهم حلول كتتير واسعارهم في الاوزان الكبيرة كويس جدا الاشتراك فيها مش مجاني ولكن في عرض شركة فيزا بيديك سنتين عضوية مميزة وخصم علي الشحن ٢٥٪ اول شهر وباقي السنتين ٢٠٪ وفي عرض اخر خاص بي موقع Adslgate هحطة برضو وهو عضوية لمدة سنة مجانا وخصم ٢٥٪ علي الشحن لمدة سنة

----------------------------------------------------------------
الشرا اليوم دة بيبقي احيانا في خدعة يعني حتي امازون ممكن يرفعو تمن الحاجة من قبلها بفترة ويجو يعملو عرض عليها يوم الجمعة كأنها فرصة يعني

-
في موقع اسمه camelcamelcamel تقدر تحط في اللينك بتاع السلعة وهو هيوريك سعرها من اول مظهرت في امازون لحد دلوقتي تشوف الخصم عليها حقيقي ولا اشتغاله اكبر نسبة خصومات بتبقي علي الملابس الموبيلات مش بيبقي عليها خصومات كويسه بتبقي بنسب صغيرة ومش بتفرق عن العادي كتير منتاجات أبل سعرها مش بيقل ولا بيتعمل عليها عروض من أبل ذات نفسها اخرهم يعملو تشتري تليفون والساعة تمنهم يعدي ال ١٠٠٠ دولار وعليهم خصم ٥٠ دولار فا متحطش أمل عليهم عايز ايفون ٦ اس روح لسوق دوت كوم السعودية تمنه ٤٦٠٠ جنية مصري
----------------------------------------------------------------
موضوع الجمارك موضوع كبير شوية في لينك لاسعار ونسب الجمارك كلها بتاعت مصر

لو شحنت من امازون هتتحاسب علي الجمرك في امازون ومش هتتدفع حاجة زيادة
لو شحنت علي shopandship مش هتقدر تتدخل في حاجة هما هيتصرفو مع الجمرك وانت ونصيبك
لو شحنت مع اي شركة تانية هيبقي عندك فرصة تخلي سعر الشحنة الي تمنها ١٠٠٠ دولار ٢٥٠ بس بمعني اوضح لما تطلب حاجة من امازون علم علي ان الشحنة هدية عشان ميبعتش فاتورة
وعدل السعر من شركة اعادة التوجيه وخلي منطقي شوية للسلعه علي حسب المنتج الي انت جايبة حتي لو اتعاد تقيمها مش هتكبر عن الجمرك الاصلي والجمرك بيفرق في التقيم لما بتجيب حاجة مثلا من الصين او امريكا بيبقي في فرق
----------------------------------------------------------------
لو هتشتري من امازون هتابع صفحة العروض طوال اليوم وفي صفحة عروض Ebay مهمة برضو
باقي المواقع هتلقي كله عامل عروض في برندات بتعمل خصم بال 50% علي كل المنتاجات واغلبها بتكون ملابس وركزو علي موقع uspoloassn
بذات انا السنة الي فاتت شاري ال polo بي 10 20 دولار وجواكت سعرها ٣٠ دولار واقل وخامتها خرافة والشحن كان مجانا كمان كان عرض ميتعوضتش

-
دي الطريقة الاولي الطريقتين التنين اقل تعقيداً وافضل واوفر بكرة هكتبهم وهشرح نقطة نقطة زيادة

كل يوم هحط نصايح ومواقع تقدرو تشترو منها لحد يوم الاتنين الـ Cyber Monday

----------------------------------------------------------------
المواقع
شركة fishisfast دة رابط التسجيل بخصم ٥ دولار علي اول شحنة ولكنه affiliate للاسف دي الطريقة الوحيدة للخصم

عرض شركة Myus فيزا

عرض Myus التابع لموقع Adslgate

نسب الجمارك المصرية

موقع تتبع الاسعار لامازون عشان تعرف العرض حقيقة ولا اشتغاله

كتبه : عمرو عماد




Black Friday

Cyber Monday


Share

Suggestions

AD1

Back to Top