AD1
الرئيسية / المقالات /
3943 مشاهدة29 ديسمبر 2016

كتير مننا بيسمع عن مصطلح الثقوب السوداء، تعالى نعرف قصتهم: - STJEGYPT

كتير مننا بيسمع عن مصطلح الثقوب السوداء، تعالى نعرف قصتهم: - STJEGYPT

* الثقب الأسود عبارة عن نجم كبير جداً في الحجم انتهى الوقود بتاعة وانهار ونتيجة للإنفجار إنضغطت كل كتلته في مساحة صغيرة جدا اسمها الثقب الأسود.
.
* اتسمي بالثقب الأسود لانه منطقة مظلمة تماما واللي سماه عالم فضاء أمريكي سنة 1967.
.
* فكرة الثقب الأسود ظهرت سنة 1783 لما اكتشف روميل ان الضوء ليه سرعات محدودة مينفعش يتجاوزها بالتالي فسر ده بتعرضة لجاذبية شديدة، وبدأت في التطور بعد ظهور النظرية النسبية العامة لأينشتاين سنة 1916، وأول ثقب أسود اكتشفته البشرية كان سنة 1971.
.
* الثقب الأسود لا يمكن رؤيته لجاذبيته الشديدة حتى للضوء، بالتالى لا يستطيع الضوء أن يهرب منه وينعكس إلينا كى نراه.
.
* امال عرفوه منين؟ - من تأثير النجوم القريبة منه، نتيجة لجاذبيته الشديدة بيحدث تغير في حركة النجوم القريبة منه. وبالتالي بنقدر نعرفه.(بالتليسكوبات وأشعة جاما، وأجهزة الرصد المختلفة).
.
* الثقب الأسود بيبتلع كل ما يقرب منه، لو روحت هناك هتبقي رحلة ذهاب بلا عودة، ولو دخلت فيه هتبقى زى المكرونة الرفيعة(الاسباجيتي)، ويبدأ راسك ينفصل عن جسمك نتيجة لفرق الجاذبية بين رجلك وبين راسك، ثم تنضغط كل ذرة من جسمك لحجم أصغر من حجمك الحالي بعشرات المرات، الله يرحمك :D
.
* هو ممكن الثقب الأسود يبلع الأرض؟ - لا لا يمكن، أقرب ثقب أسود بيبعد عننا مليارات الكيلومترات (1600 سنة ضوئية) حتى بعد انتهاء عمر الشمس لا يمكن تحولها لثقب أسود نظرا (لصغر حجمها) : علشان النجم يتحول لثقب أسود لازم ع الاقل يبقي 25 مرة قد الشمس.
وحتى لو حل ثقب أسود مكان الشمس هتفضل الأرض تدور حوالية هيا وباقي الكواكب.
.
*لو سافرنا بسرعة الضوء هنحتاج 1600 سنة علشان نوصل للثقب الأسود، ولو الأرض تحولت لثقب أسود كل اللى عليه هيتقلص لحجم 8 مللي متر (كلنا بمشاكلنا بصراعتنا بالأشجار والبحار والمحيطات هنتركز في خرم ابرة حرفيا

كتبه : مصطفي درش

الثقوب السوداء


Share

Suggestions

AD1

Back to Top