الرئيسية / المقالات /
6796 مشاهدة29 ديسمبر 2016

تليسكوب روبوتي" تابع ل ناسا بيصورلك صور من الفضاء مخصوص - STJEGYPT

تليسكوب روبوتي


اكتشاف عبقري
فيه على الانترنت "تليسكوب روبوتي" تابع ل ناسا بيصورلك صور من الفضاء مخصوص

ازاي يعني

يعني انت بتروح للموقع بتاع التليسكوب وتقوله انت عايز تصور ايه... كوكب بقا او مجره او مجموعه نجميه او حتى القمر
وبتحدد للتليسكوب ملابسات الصوره "حاجات كده اللي بيفهم في التصوير هايبقى عارفها انا مش فاهماها فبختار اي حاجه وخلاص ولو اختياري مش مناسب مبيقبلهوش ويقول اختار غيره "
بعد كده الموقع بيطلب منك تكتب ايميلك وفي خلال يوم او اتنين بتلاقي الصوره بتاعتك جاتلك على الايميل

صوره حقيقيه ملتقطه علشانك انت بالطلب
والجميل انه الموقع بيوفرلك معلومات عن الصوره بتاعتك ...
زي امتى التليسكوب صورهالك وحالة الجو كانت عامله ازاي والجسم ده بعيد عننا اد ايه.
وممكن جدا الصوره تيجي مهزوزه او مش واضحه فتقدر تطلبها تاني
والجميل برده انك عن طريق الموقع تقدر تقارن صورتك اللي اتصورت ليك مخصوص بالصور الي لقطتها تليسكوبات ناسا الضخمه زي هابل او شاندرا

مثلا ممكن تطلب صورة القمر يوميا او يوم ويوم ولما توصلك الصور كلها هايبقى عندك مجموعة صور كامله وحقيقيه ومتصوره ليك انت لمراحل القمر

اخيرا
ابعتولي صوركم
اعتقد انها حاجه جميله جدا للأولاد انهم يتعاملوا مع الموقع ويطلبوا الصور بنفسهم ويفهموا هما عملوا ايه

اللينك:
http://mo-www.harvard.edu/cgi-bin/OWN/Own.pl 

Share

Suggestions

Back to Top