حاجة زي دي لازم كلنا نعملها و نعرف بيها كل ال نعرفهم
معظمنا بيتفاجئ فـ بعض الشهور ان فاتورة الكهرباء قيمتها زادت, دا بيبقى بسبب دخولك في شريحة محاسبة أعلى وبيكون بفارق بسيط او بسبب تأخر المحصل في تسجيل القراءة وتراكم الكيلوات عليك وتضطر تدفع بسعر عالي,
,
المهم شركة الكهرباء "من فترة" عملت موقع ليها عالانترنت وبرنامج للموبايل, من خلالهم هتقدر تدخل القراءة بنفسك وانت في بيتك, الميزة الاهم هي انك لو القراءة دخلت في شريحة أعلى تقدر انت تسجلها في الشريحة الاقل علشان متتحاسبش بزيادة وتسيب باقي الكيلوات للشهر اللي بعده وبكدا هتبقى وفرت على نفسك مبلغ كويس
.
(اسعار الشرائح تحت فـ كومنت) هات اي فاتورة من الشهور اللي فاتت وطلع منها رقم المشترك "زي الصورة" وادخل عالموقع www.egypterases.com أو نزل البرنامج عالموبايل بإسم "EgyptERASeS" وسجل كل العدادات اللي عندك وابتداءا من يوم الاحد 10-01 لحد يوم الجمعة هتقدر تسجل القراءة (من يوم 10 لـ 15 من كل شهر)
.
خليك ايجابي وانشر الفكرة دي لأن في كتير مش عارفها ومنشن صحابك اللي بيشتكوا من الفواتير
ملحوظة: بنفس رقم المشترك اللي فـ الفاتورة دا تقدر تدفع فاتورتك عن طريق ماكينات فوري او الـ ATM
