AD1
الرئيسية / المقالات /
4506 مشاهدة31 ديسمبر 2016

إزاي تبدأ الـ Business بتاعك Online - STJEGYPT

إزاي تبدأ الـ Business بتاعك Online - STJEGYPT

إزاي تبدأ الـ Business بتاعك Online


1) إفهم تسويق

إبعد عن الـ E-Marketing اللي هي الأدوات اللي بيتعمل بيها تسويق علي النت زي الإيميل ومحركات البحث والسوشال ميديا..
لو فهمت تسويق صح هتقدر تطبقه بأدوات كل سوق وهتعرف تتعامل معاه  .

2) إنسي الإعلانات شوية

إشفل تفكيرك بالمحتوي والقيمة اللي المفروض تقدمها  ، الإعلانات المفروض مش تاخد أكتر من 10% من تفكيرك..
الإعلانات دايرة مقفولة لو دخلت فيها هتفضل تلف فيها كتير ، وفر فلوسك وإتعلم بيها حاجة جديدة تفيد بيها الناس وهما هيتكلموا عنك، أنت بتبني بيزنس مش سبوبة  .

3) إنسي أنك تبيع

خليك فاكر كويس أنك بتبني بيزنس مش سبوبة ومحتاج ثقة الناس عشان تكمل  والمفروض في الفترة دي تخلي العملاء بتوعك نفسهم يشتروا منك أي حاجة تعملها وده مش هيحصل بدون قيمة مضافة بتقدمها .

نصيحة: لو مش هتعرف تقدم قيمة مضافة متكملش
أما لو عندك وهتقدر تفيدهم كمل وسهل عليهم الشراء وبين ليهم الفايدة من ورا الخدمة اللي بتقدمها، ولو شفت أو عرفت أن الخدمة بتاعتك مش هتفيدهم متعبش ليهم لأن الخساير هتكون "وخيمة" لو فضلت مكمل بيع 
وهتكون بتعمل سبوبة وسمعتك هتكون في القاع  ولو فكرت ترجع تعمل بيزنس هتصرف أكتر من اللي كنت كسبته .

4) إتعلم Social Media صح

السوشال ميديا مش ميديا وجو تليفزيونات، السوشال ميديا إسقاط للحياة الواقعية اللي إحنا عايشنها علي العالم الإفتراضي (النت) .. إتعامل معاها عالأساس ده  .

5) إتعلم Content Marketing صح

وده اللي بنسميه فن التأثير في الثقافة وده هتعمله من خلال طريقتين:
إما تخترعلهم حاجة جديدة تغير ثقافتهم، يا إما تعلمهم حاجة مش المفروض تعلمهالهم مش واجب عليك يعني..
وده بالـ Content لأن Face 2 Face هتكون مكلفة، وتحاول تلاقي أحسن طريقة تعرض بيها المحتوي بتاعك بكلام عملي مش نظري وتكون مطبقه كويس قبل ما تعرضه  ،

ولازم تكون جامد جدًا في المجال بتاعك عشان تقدر تفيدهم ويحبوك  .

وخد بالك أن في أنواع كتير للمحتوي مش بس مقالات في فيديوهات وكتب وصور وغيره  ، في كلام ينفع تقوله في فيديو مش ينفع تكتبه في مقال وهكذا ولازم يبقي فيه قيمة “مضافة” تلمسهم  .

6) الإستمرارية

لازم تستمر تخيل كده معايا لو في شخص فضل يفيدك ويهتم بيك لمدة شهر كامل هتحس بإية؟!
أيوة هو اللي جه في بالك!، تخيل بقي لو بعدت عنه!!!
بس كده أنت كده فهمت أقصد إيه  ودي غلطة مش هتغتفر ليك.

7) إوعي تعمل Blog في الأول

جمع الناس اللي هيسمعوك الأول علي صفحتك علي الفيس وبعد كده إعملهم Blog، وتبقي تنزل علي صفحة الفيس كلام مختصر والتفاصيل جوا الـ Blog.
إبعد عن التعقيد في المحتوي بتاعك وكلامك يبقي خفيف ولذيذ  .

8) التحضير

حدد المواضيع اللي هتتكلم فيها وتكون بتحل مشكلة أو بتسهل حاجة معينة أو بتعملهم حاجة تكون فاهمها كويس ومتمكن منها،
حددت المواضيع قشطات فصل بقي كلامك بتفاصيل كتير محدش إتكلم فيها زيك  “قيمة مضافة” وتبقي بسيط في طرحك ليها  .

البوست ده ملخص قرايتنا لـ كتاب:
How to transform yourself to an Inbound Marketer


Business


Share

Suggestions

AD1

Back to Top