الرئيسية / المقالات /
12099 مشاهدة21 يناير 2017

خطة القراءة لعام 2017 - STJEGYPT

خطة القراءة لعام 2017 - STJEGYPT


إن للقراءة أثر عظيم بس أنا كمستجدة مش عارفة امنهج قرائتي والمجالات اللي أقرأ فيها باخد من كل حدب وصوب، ببحث عن الوعي تنصحني أبدأ بقراءة ايه وما النهج الذي أسير علي؟
من رأيي دي أفضل طريقة ممكن نمشي عليها في القراءة السنادي.
خطة القراءة ل2017:
.
1- حدد شهر لكل نوع من الأدب، شهر يناير للفلسفة، تقرأ فيه عن الفلسفة من روايات وكتب، شهر مارس للرومانسية، شهر ديسمبر للتاريخ.... إلخ.
.
2- حدد عدد صفحات معين يوميًا للقراءة، 30 أو 50 أو 70، حسب مقدرتك، ابدء بيهم يومك أول ما تصحي وفي المواصلات وفي الحمام XD ومتزودش عنهم أبدا بس المهم تخلصهم.
.
3- حدد 3 أسماء لأدباء تقرأ ليهم، بينهم امرأة وعربي وغير عربي، فمثلًا اخترت يوسا والمنسي قنديل ورضوى عاشور، أبدأ برواية يوسا ثم المنسي ثم رضوى هكذا.
.
4- المجالات اللي تحبها وتميل ليها أو اللي شايف إنك معندكش معرفة كافية بيها ابدء بيها، أنت مش مجبر تقرأ كل الكتب والروايات اللي في العالم، لكن من وجهة نظري في بعض المجالات اللي ينبغي على أي إنسان باختلاف خلفيته الفكرية أن يعرف عنهم ولو القليل: التاريخ والفلسفة وعلم النفس ونجيب محفوظ :D
.
5- - القراءة كما الحرية لا حدود لها، متسمعش كلام أي حد يحذرك من كتاب أو رواية، مهما كان دين أو عرق أو طائفة الكاتب، استخلص منه ما يفيد.
.
6- تاني، متنساش جدولك اليومي من القراءة، 30-70 صفحة، صحيح إنها مش بالكم لكن تجنبًا للكسل وتضييع الوقت لازم تلزم نفسك بحد أدنى من الصفحات يوميًا.
.
7- متفقدش أبدًا دافعك للقراءة، صدقني مبقتش خيار، وإنما فرض عين على كل إنسان، هتحس بملل وأحيانا مش هتقدر تخلص كتاب وأحيانا هتتعطل وتبعد، لكن ارجع ليها تاني، دايما خليها هي هروبك من العالم الصاخب الذي تعيش فيه.

كتبه : مصطفي درش

Share

Suggestions

Back to Top