الرئيسية / المقالات /
9966 مشاهدة25 يناير 2017

مواقع قد تغير حياتك تماما - STJEGYPT

مواقع قد تغير حياتك تماما - STJEGYPT


100 محاضرة من موقع تيد في 5 دقائق فقط!
-----------------------------------------
في موقع مشهور جدا اسمه ted .. ببساطة كده وباختصار نعرف ايه هو الموقع ده وايه اللي بيقدمه !
ted هو مؤتمر ، يعني مكان او قاعة محاضرات كبيرة بيحضر ليها ناس كتير من مختلف الاماكن " محاضرين ومدعوين " . ولكن ده مش مؤتمر عادي ... ده مكان معروف وليه هيبته الخاصة
يعني ايه ted طيب > دي اختصار لـ 3 كلمات Technology تكنلوجيا Entertainment “ترفيه”. Design “تصميم”.
صاحب موقع ted مهندس اسمه ريتشارد انشأه في عام 1984 .. وكان بيقام المؤتمر في كاليفورنيا في امريكا وبيدعي ايه محاضرين من ابرز الشخصيات في العالم و أكثر الأشخاص تأثيرا .. سواء بقي دكاترة ، باحثين ، مصممين ، مغنيين ، ورجال اعمال وغيرهم أمثال: بيل جيتس (مؤسس شركة Microsoft)، بيل كلينتون، لاري بايج (مؤسس Google) .... الخ ..
وهنا ted بـ يُعطى لهم 18 دقيقة كحد أقصى لإلقاء أفضل محاضرة في حياتهم =D
والمحاضرة في ted اسمها TEDTalk
وبتترفع علي الموقع الرسمي علي النت وعدد المشاهدين ليها بيتعدي الملايين
والجميل ان الموقع بيوفر ترجمة للفيديوهات دي بلغات كتير جدا من ضمنها اللغة العربية .. اطمن يعني =D
شعار الموقع هو أفكار تستحق الانتشار .. وهي بجد افكار رائعه جدا وطريقة العرض بتاعتها قمة في الروعه والرقي
المطلوب بقي من حضرتك ؟ انك تدخل علي اللينك ده، فيه كل محاضرات الموقع مترجمة للغة العربية
https://www.ted.com/talks/browse?language=ar 
وتبدأ تتجول وتنهل من بحر العلم اللي فيه ..
طيب ممكن ناس تلاقي صعوبة في انهم يختاروا الفيديوهات او يكونوا عايزين يعرفوا الفيديو ده بيكلم عن ايه قبل ما يشوفوه
عشان بس انا مش عاوز اتعبكم =D
اللينك ده هتلاقو عليه 100 محاضرة من موقع تيد .. كل فيديو مكتوب اسمه بالعربي وسطر تعليق عليه
ومجرد ما بتضغط عليه بينقلك للموقع .. وتبدا تتفرج علي المحاضرة
http://www.arageek.com/2014/05/08/100-ted-lectures-in-5-minuets.html 
عشان تفعل الترجمة العربي > لما تشغل الفيديو هتلاقي تحته كلمة subtitles اضغط عليها واختار اللغة العربية
رجاء  الفيديوهات دي ممكن بجد تغير حياتك وتفتحلك ذهنك علي علوم جديدة وافكار رائعه ابداعية كمان هتستفاد منها جدا ثقافيا وفكريا .. فحاول ولو يوميا تسمعلك فيديو منها (( 5 دقايق يعني مش محتاج تخططلهم ))

Share

Suggestions

Back to Top