أول ظهور لأندرويد كان في 11 نوفمبر 2007 و كان فيديو جوجل بتعرض فيه النظام الجديد وقتها و ايه اللي ممكن يعمله:D
أول نسخة نزلت من أندرويد بشكل تجاري كانت في اكتوبر ٢٠٠٨ HTC نزلت جهاز اسمه HTC Dream؛ بس النسخة اللي تعتبر بداية اندرويد فعلًا كانت النسخة 1.6 و كان اسمها android Donut .
وأكتر حاجة كانت بتميزها إنها كان موجود عليها Android market اللي بقى بعدها معروف بGoogle Play.
من وقتها و أندرويد كان بيتطور وينتشر بسرعة رهيب، النسخة اللي بعدها كان اسمها Éclair و وقتها جوجل قدمت Google maps وإمكانية إنك تعرف الإتجاهات وإزاي تتحرك في أي مكان تقريبًا. وكمان الSpeech –to- text
اللي بيه تقدر تقول اللي عايزه يتكتب بدل من إنك تكتبه :D
بعدها كانت النسخة ال2.2 واللي كانت معروفة تجاريًا باسم Android Froyo ودي اتقدمت فيها واحدة من أشهر الخواص الموجودة في الموبايلات دلوقتي و هي Portable Hotspot و كل النسخ اللي بعدها كانت بتطور جداً في الامكانيات المعتمدة على الأداء بس الشكل اوالDesign مكانش الحلو جداً.
لحد ما في النسخة ال5.0 و المعروفة بأسم Android Lollipopجوجل قدمت معاها حاجة جديدة و هي الMaterial Design و اللي تعتبر فعلًا من اقوى انجازات جوجل مع اندرويد وخلت التصميمات و تجربة المستخدم تنتقل لمستوى تاني أعلى بكتير من مجرد إضافات بتزيد مع كل إصدار و ده فرق جدًا في تصميم الApplications اللي بتتعمل لأندرويد كمان.
المميزات دي زي ما فرقت جداً في أندرويد فرقت برضه مع التطبيقات اللي بتتعمل له و واحد من نقط قوة أندرويد هي التطبيقات الموجودة على Google Play التطبيقات و عددها الرهيب .
جوجل عرضت مكافأة 10 مليون دولار لأحسن تطبيقات هتتعمل لأندرويد في 2007 عشان المطورين يبدأوا يعملوا تطبيقات ليه. و كان ليها الفضل إن حصة أندرويد في السوق تنتقل من 3.5% في 2009 ل 87.8% في 2016 ! و يبقى أكتر نظام تشغيل منتشر حالياُ.
قولولنا إيه أول موبايل android اشترتوه؟ و كان إيه أكتر حاجة بتميزه؟
